Ulug'bek Baqoev: "OFK kubogidan so'ng shogirdlarim tiklanishga ulgurmadi, raqib esa har tomonlama yaxshi tayyorgarlik ko'rgani bilindi"

O'yin haqida

"Guvohi bo'lganingizdek, "Nasaf" o'yinni juda yaxshi boshladi. Bizda esa OFK kubogidagi 120 daqiqalik uchrashuvdan so'ng ayrim futbolchilar tiklanib ulgurishmagandi. Boz ustiga yigitlarning ruhiyatida tushkunlik bor edi. Uch nafar futbolchimiz jarohat oldi. Raqib har tomonlama yaxshi tayyorgarlik ko'rgani bilindi. Ular oxirgi turda "Paxtakor"dan ustun kelgandi. SHunga qaramay, shogirdlarimga minnatdorchilik bildiraman. 

— Hakamlik haqida nima deya olasiz? 

— Hakamning qarorlari haqida takroriy vaziyatlarni ko'rib chiqqach, fikr bildirishim mumkin. CHermelga qizil kartochka ko'rsatilgan vaziyatda unga nisbatan agressev o'yin namoyish etilgandi. Uning boshi qonadi va shifokor yordamiga muhtoj bo'ldi.

- Futbolchilar jismoniy jihatdan yutqazishdimi?

- Etibor bering, oxirgi o'yinda jismoniy jihatdan ham, ruhiy tomonlama ko'p kuch sarfladik. Bu borada tayyorlanish oson bo'lmadi. Bugungi o'yinda ham ikkita majburiy o'zgartirishni amalga oshirdik. 

- Jasur Hasanovga nima bo'ldi? 

- Oyog'ining orqa son qismida muammo bor. Vitaliy Denisovda ham shunday. 

- Kubokda jamoa oldiga maqsad qo'yilganmi?

- Mavsum avvalida jamoa oldiga maksimal vazifalar qo'yilgandi.  Futbolda nimadir o'xshaydi yoki yo'q. Biz imkon boricha harakat qilamiz. CHempionlik uchun 2-3 jamoada imkoniyat mavjud", — dedi jizzaxliklar ustozi.