Ueyn Runi tarixga kirdi

"SHporlar" maydonida o'tgan bahsda Pochchettino shogirdlari 2:1 hisobida g'alaba qozonishdi. "Qizil iblislar" tarkibida kiritilgan yagona javob to'piga Ueyn Runi mualliflik qildi. SHu tariqa, Runi "Uayt Xart Leyn"da raqib jamoalar tarkibida eng ko'p gol urgan futbolchiga aylandi. Kechagisini qo'shganda Ueyn "Tottenxem" maydonida 7ta golga mualliflik qilgan. SHu tariqa, "Vazza" "Uayt Xart Leyn"da eng ko'p gol urgan raqib o'yinchisi sifatida tarixda qoladigan bo'ldi. Sababi, kechagi o'yin "Tottenxem" uchun ushbu arenadagi oxirgi bellashuv edi. Keyingi mavsumdan jamoa bu stadionda o'ynamaydi. Yangi stadion bitgunga qadar uy uchrashuvlarini "Uembli"da o'tkazadi.