"U istalgan klubni tanlashi mumkin edi, lekin biz bilan qoldi". Slot Salohning sadoqatidan xursand

"Umid qilamanki, yakshanba kuni bo'lib o'tadigan o'yinda Saloh jamoadagi asosiy rolini yana bir bor isbotlaydi. U ajoyib futbolchi. Erkin agentligida dunyoning istalgan top-klubiga o'tishi mumkin edi, ammo Muhammad biz bilan qolishni tanladi va bu hurmatga loyiq", – dedi Slot.

"Liverpul" misrlik hujumchi bilan shartnoma uzaytirilganini 11 aprel kuni elon qildi. Yangi shartnoma 2027 yilning yoziga qadar mo'ljallangan.

Saloh "qizillar" safida 2017 yildan buyon o'ynab kelmoqda. U joriy mavsum klub tarkibida 45 o'yinda maydonga tushib, 32 ta gol urdi va 22 ta golli pas uzatdi.