U-23 Osiyo chempionati. Kecha durang o'ynagan Saudiya Arabistoni oldiga chempionlik vazifasi qo'yilgan

Kecha Saudiya Arabistoni terma jamoasi 1-tur uchrashuvini o'tkazib, Iordaniya bilan 2:2 hisobida durang o'ynadi. Saudiyaliklar bu o'yinda 0:2 hisobida mag'lubiyatga uchrayotgandi, biroq uchrashuv oxirigacha durang qayd eta olishdi.

Saudiya Arabistoni terma jamoasi hujumchisi Abdulaziz Al Aryanining malum qilishicha, musobaqada jamoasi oldiga chempionlik vazifasi qo'yilgan.

"Biz yuqori maqsadlar bilan bu erga kelganmiz. Eng katta niyatimiz chempion bo'lish. Garchi birinchi o'yinda durang o'ynagan bo'lsak-da, tarkibimizda 12-13 nafar yaxshi futbolchi bor va hammamiz harakat qilsak, yakunda chempion bo'la olamiz", - deydi hujumchi OFK veb-saytiga.