Turkmanistonga 5ta gol urgan Maftuna SHoyimova: "Bu faoliyatimdagi eng zo'r o'yin emas"
19 jan 20:27
Yangiliklar

Turkmanistonga 5ta gol urgan Maftuna SHoyimova: "Bu faoliyatimdagi eng zo'r o'yin emas"

Ayollar o'rtasida futzal bo'yicha OK-2025 saralashi doirasidagi O'zbekiston - Turkmaniston o'yini qahramoni Maftuna SHoyimova bahsdan so'ng o'z fikrlarini bildirdi.

Futzalchi 5ta gol urgan holda mamlakatimizning Osiyo kubogiga yo'l olishida katta hissa qo'shdi.

O'yin haqida

— Hammaga rahmat. Keyingi bosqichga o'tish uchun ushbu o'yinga ancha vaqt tayyorlandik. Osiyo kubogida bundan ham yaxshi o'yinlar ko'rsatishga harakat qilamiz. Lazaretda jarohat olgan qizlarimiz bor, ular ham qo'shilsa yanada kuchli bo'lamiz.

— Lyudmila Karachikning yo'qligi ushbu o'yinga tasir qildimi?

— Har bir futzalchining o'z o'rni bor va uning yo'qligi ham o'yinga tasir qildi.

— Sizni Osiyo kubogiga chiqqanimiz bilan tabriklayman. Nima deb o'ylaysiz, bugungi o'yin faoliyatingizdagi eng yorqinimi?

— Yo'q, bundan ham yaxshilari bo'lgan va bundan keyin ham yaxshiroqlari bo'ladi.

— Osiyo kubogiga ham atigi 3-4 oy qoldi. Keyingi rejalar qanday?

— Hozirda biz ko'proq Osiyo kubogiga tayyorgarlik ko'ryapmiz. Aytib o'tganimdek, qizlar kelib qo'shilsa, yanada kuchayamiz, — dedi Maftuna SHoyimova.

OK-2025 saralashi. Maftuna SHoyimovaning benefisiga aylangan bahsda vakillarimiz Turkmanistonni 6:2 hisobida mag'lub etishdi va Osiyo Kubogi "chipta"sini qo'lga kiritishdi

Havola :

Manba : championat.asia

Yangiliklarni Telegramda o'qing!

Reyting: +3