“Traktorsozi” safarda “Naft Masjid Sulaymon”ni mag'lub etdi

Jamoaga yaqinda kelgan portugaliyalik murabbiy Antonio Oliveyra “Traktorsozi”ning senegallik doimiy darvozaboni Issa Ndoyeni (bo'yi 201sm) o'yin qaydnomasiga ham kiritmadi. Bu safar jamoa darvozasini Xamid Lak qo'riqladi.

Birinchi bo'lib o'z darvozasidan to'p olib chiqqan traktorchilar, uchrashuv 32-daqiqasida oradagi hisobni tenglashtirishdi – 1:1, bu golni jamoa yarim himoyachisi Samon Narimon Jahon kiritdi. Birinchi bo'lim ana shu hisobda yakuniga etdi.

Ikkinchi bo'lim teng kurashlar ostida kechdi, vaziyatni o'nglashga ko'p harakat qilgan mezbonlar, uchrashuv yakunlanib borayotgan bir paytda qarshi hujumdan gol o'tkazib qo'yishdi, jamoaning braziliyalik hujumchisi Eder Luchano 83-daqiqada
uchrashuvdagi so'nggi golni kiritib, o'z jamoasining g'alabasiga katta hissasini qo'shdi – 1:2.

Ushbu g'alabadan keyin “Traktorsozi” 35 ochko bilan turnir jadvalining 5-pog'onasida bormoqda. SHunday qilib, tabrezliklar yaxshi kayfiyat bilan Qarshiga tashrif buyuradigan bo'lishdi.

Eron chempionati, 20-tur
“Naft Masjid Sulaymon” – “Traktorsozi” 1:2 (1:1)

Gollar: Xamid Buhamdon (pen), 11-1:0, – Saman Narimon Jahon, 32-1:1, Eder Luchano, 83-1:2.

“Traktorsozi”: 1.Xamid Lak, 88.Fardin Obedini, 23.Mirhoni Hoshimi, 3.Habib Gordani, Xolid SHofiy, 18.Ahmad Amir Kamdar, 6.Mahdi Kiyoni, 14.Andranik Taymuryan, 8.SHohin Soxibi ( 27.Farshon Axmadzoda 75), 7.Samon Narimon Jahon (9.Farid Behzodi Karimi 63), 30.Eder Luchano.

Ogohlantirish (Traktorsozi): Habib Gordani, Mahdi Kiyoni, Fardin Obedini.

Azamat Umarov tayyorladi