Toni Kroos Pedrini o'z poziciyasida eng kuchli futbolchi deb biladi

Kroosning takidlashicha, 22 yoshli yarim himoyachi hozirgi "Barsa"ning asosiy figurasi va zamonaviy futbolning eng qimmat futbolchilaridan biri.

"Mening fikrimcha, Pedri – o'z poziciyasida eng zo'r. Bu raqibdan qatiy nazar maydonga tushmasa, o'rni seziladigan futbolchi. U nafaqat gol uradi va uzatmalarni amalga oshiradi, balki jamoaga echimlar taklif etadi. Birgina Chempionlar Ligasida u har bir uchrashuvda raqibni o'rtacha 52 marta aldaydi, La Ligada esa 59 marta. U umumiy olsak, 11-12 himoyachini ortda qoldiradi. Bu juda katta raqam", – dedi Kroos.

"Real" sobiq futbolchisining so'zlari, ayniqsa, "Barselona"ning joriy mavsumdagi o'yinlaridan kelib chiqqan holda ramziy manoga ega. Xansi Flik boshchiligidagi jamoa allaqachon ikkita sovrin – Ispaniya Superkubogi va Ispaniya Kubogini qo'lga kiritdi. Boz ustiga, har ikki finalda kataloniyaliklar "Real"ni mag'lub etishdi (5:2 va 3:2), shuningdek, La Liga bahsida ham ishonchli g'alabaga erishdilar (4:0).

Bundan tashqari, "Barselona" UEFA Chempionlar Ligasi yarim finaliga qadar etib bordi va "Inter" bilan o'ynamoqda. Birinchi uchrashuv 3:3 hisobidagi durang bilan yakunlangan bo'lsa, javob o'yini 6 maydan 7 mayga o'tar kechasi Italiyada bo'lib o'tadi.