"Tezkor studiya" tunda Davron Fayziev va Xayrulla Hamidov ishtirokida jonli efir tashkil qiladi

Bundesliganing bugungi 26-turi doirasidagi o'yinlar yakunlangach, yani 23:30da kun o'yinlari tahliliga bag'ishlangan jonli efirdagi dastur taqdim etiladi.

"Tezkor studiya"da boshlovchi Kamoliddin Alimov hamda Germaniya futboliga ixtisoslashgan SHahboz Beg'amovga mazkur dasturda mehmonlarimiz, taniqli sharhlovchilar Xayrulla Hamidov va Davron Fayziev hamrohlik qilishadi.

Jonli efir "Ayntraxt" - "Borussiya" Myonxengladbax uchrashuvi yakunlanganidan so'ng, aniqrog'i soat 23:30da "Championat.asia" saytining  "YouTube"dagi sahifasida boshlanadi.

Qiziqarli o'tishi kutilayotgan mazkur dasturni jonli efirda tomosha qilish va o'z suyuklilariga savol yo'llashni istagan ishqibozlar "YouTube"da "Championat.asia" sahifasiga obuna bo'lishi va sahifa oldidagi qo'ng'iroqchani bosishi talab etiladi. Bu orqali sizning telefon yoki planshet ilovangizga jonli efir boshlanishi haqida xabar keladi.

"Tezkor studiya" Bundesligani katta ko'lamda yoritishga jiddiy etibor qaratgan. SHuningdek, ertangi kun o'yinlaridan so'ng, yani tunda yana bir jonli efir taqdim qilinadi. "Union" - "Bavariya" uchrashuvidan keyin "Tezkor studiya"da Germaniyadan mehmonlar, professional mutaxassislar, ekspertlar taklif etilgan va ular bilan "Tezkor studiya"da tur o'yinlari hamda Bundesliga haqida batafsil so'z boradi. "Tezkor studiya" o'z ishining ustalari, mutaxassislarga mikrofon tutib, har bir voqea va holatni professional tahlil qilishga va Siz aziz ishqibozlar uchun kutilgan va kutilmagan yulduzlarni taklif qiladi.