Terma jamoa. Bugun kim debyut qiladi?

Georgia Davit Volkovi - 41'

Friendlies . 1-tur 15/11/2021, 19:00 0 : 1 Tugadi

Uzbekistan

45'

90'

41'  Davit Volkovi

61'  Zuriko Davitashvili (Tornike Okriashvili)

61'  Valeri Qazaishvili (Khvicha Kvaratskhelia)

71'  Valeriane Gvilia (Giorgi Aburjania)

71'  Davit Volkovi (Giorgi Tsitaishvili)

84'  Irakli Azarovi

86'  Saba Lobjanidze (Guram Giorbelidze)

46'  Davron Khashimov (Ibrokhimhalil Yoldoshev)

46'  Ikrom Alibaev (Azizjon Ganiev)

64'  Dostonbek Khamdamov (Khozhimat Erkinov)

79'  Eldor Shomurodov (Igor Sergeev)

84'  Farrukh Sayfiev

Match-senterda ochish

Sloveniyalik mutaxassis Tbilisiga 21 kishidan iborat tarkibni olib ketganidan xabardorsiz. 

Darvozabonlar - Eldorbek Suyunov ("Paxtakor", 30 yosh), Valijon Rahimov (AGMK, 26 yosh), O'tkir Yusupov ("Navbahor", 30 yosh).

Himoyachilar - Farrux Sayfiev ("Paxtakor", 30 yosh), Davron Hoshimov ("Navbahor", 28 yosh), Islom Qobilov ("Lokomotiv", 24 yosh), Marlen CHobanov ("Paxtakor", 21 yosh), Abdulla Abdullaev ("Bunyodkor", 24 yosh), Ibrohim Halil Yo'ldoshev ("Nijniy Novgorod", 20 yosh), Abbos Otaxonov (AGMK, 26 yosh).

Yarim himoyachilar - Odil Hamrobekov ("Paxtakor", 25 yosh), Ikrom Aliboev ("Tedjon", 27 yosh), Otabek SHukurov ("Al SHarja", 25 yosh), Abror Ismoilov ("Paxtakor", 23 yosh), Dostonbek Hamdamov ("Paxtakor", 25 yosh), Aziz G'aniev ("SHabab Al Ahli", 23 yosh), Jaloliddin Masharipov ("Al Nassr", 28 yosh), Hojimat Erkinov ("Paxtakor", 20 yosh), Islom Kenjaboev ("Qizilqum", 22 yosh).

Hujumchi - Igor Sergeev ("Tobol", 28 yosh), Eldor SHomurodov ("Roma", 26 yosh).

Joriy yig'inda ishtirok etayotgan yigitlarning o'rtacha yoshi 24,8 ga teng: darvoza — 28,6 yosh, mudofaa — 24,7 yosh, yarim himoya — 23,1 yosh, hujum chizig'i — 27 yosh.

Eldorbek Suyunov, O'tkair Yusupov va Farrux Sayfiev milliy jamoamiz safidagi eng tajribali o'yinchilar hisoblanishadi (barchasi 1991 yilda tug'ilgan). 

Ulardan 10 yoshga kichikroq Hojimat Erkinov va Ibrohim Halil Yo'ldoshev esa Srechkoning eng yosh shogirdlari.

Tarkibda 1 nafar debyutant bor. Bu — "Paxtakor" himoyachisi Marlen CHobanov. Terma jamoadan ilk bor chaqiruv olgan 21 yoshli futbolchi Gruziyaga qarshi bahsda debyut qilishi mumkin.

SHuningdek, 4 nafar futbolchi uzoq muddatlik tanaffusdan keyin mamlakatimizning bosh jamoasi libosida maydonga tushishi mumkin.

O'tkirbek Yusupov —  3 yil.

Superligamizdagi eng tajribali kiperlardan hisoblanadigan Yusupov milliy jamoa darvozasini faqat 1 ta o'yinda qo'riqlagan. Kuper uni 2018 yilning oktyabr oyida Qatarga qarshi o'tkazilgan o'rtoqlik bahsida sinab ko'rgan edi.

Davron Hoshimov — 2 yil.

Terma jamoa boshqaruvi Vadim Abramov qo'liga o'tgach, uning eshiklari "Navbahor" himoyachisi uchun uzil-kesil yopilgandi. Hoshimov so'nggi bor Falastin maydonida o'tgan, Kuperning istefosiga sabab bo'lgan bahsda harakatlangan.

Abbos Otaxonov — 3 yil.

AGMK himoyachisi bunga qadar terma jamoa libosini 2 ta o'rtoqlik o'yinida kiygan. Aniqroq aytsak, u Timur Kapadze tomonidan Eron va Urugvayga qarshi o'rtoqlik bahslariga jalb qilingan edi (2018).

Islom Kenjaboev — 3 yil.

"Qizilqum" yarim himoyachisi ham faqat Timur Kapadze zamonidan chaqiruv olgan va Eron bilan o'yinda bir necha daqiqa o'ynagan edi.

Eslatib o'tamiz, bunga qadar Srechko Katanec boshchiligida 3 ta o'rtoqlik o'yini o'tkazgan O'zbekiston terma jamoasi 1 ta g'alabaga erishgan. Gruziyaga qarshi bahs sloveniyalik mutaxassis uchun termamiz ustozi sifatida 4-si bo'ladi. Uchrashuv Toshkent vaqti bilan 19:00 da start oladi.

Superliga. "Qo'qon-1912" "Nasaf"ni hech qachon safarda engolmagan (9 fakt)