Superliganing 5-turidagi hakamlik tahlili: OKMK ofsayd holatida raqib darvozasini ishg'ol qildi, "So'g'diyona" goli bilan bog'liq epizodda to'p maydonni tark etmagandi

Eslatib o'tamiz, 5-turning uchta uchrashuvi boshqa muddatga qoldirilgan.

✅ "Lokomotiv" - "Andijon"

VIDEO

Menimcha, VARning epizodga aralashgani to'g'ri ish bo'ldi, hakam esa haqli ravishda “Lokomotiv” darvozasiga belgilangan penaltini bekor qildi. “Andijon” futbolchisi darvozaga zarba yo'llaganidan so'ng u inerciya bilan (beixtiyor) raqib posboni tomon, darvozabon ham futbolchi tomon harakat qildi. "Lokomotiv" qo'riqchisi "Andijon" o'yinchisiga ortiqcha harakat qilmagan, uning harakatlarida bemulohazalik ko'zga tashlanmaydi, shu bois o'yin davom ettirilishi lozim.

❌ "So'g'diyona" - "Qizilqum"

VIDEO

O'yin videosharhining ushbu qismida futbolchilar o'z qilmishlari uchun jazolangan-jazolanmaganligi noaniqligicha qolgan. Janjal uyushtirganlarga sariq kartochka ko'rsatish eng maqbul echim hisoblanadi.

P.S. Uchrashuv bosh hakami Ravshan Abduvohidov ushbu epizodda har ikki jamoa futbolchilariga sariq kartochka ko'rsatmaslikka qaror qildi.

✅ "So'g'diyona" - "Qizilqum"

VIDEO

Menimcha, hakamlar “So'g'diyona”ning golini hisoblab to'g'ri qilishdi. Birinchidan, to'p darvoza liniyasidagi chiziqdan o'tib ketganiga 100% isbot yo'q. Katta ehtimol bilan to'p proekciyasining bir qismi darvoza chizig'iga tegib turgandi. Ikkinchidan, darvoza ustuni ro'parasida ofsayd holatida turgan “So'g'diyona” futbolchisi vaziyatga xalaqit bergani yo'q. Gol to'g'ri holatda hisoblandi.

✅ "So'g'diyona" - "Qizilqum"

VIDEO

Hakam o'yinni davom ettirgani to'g'ri ish bo'ldi. "Qizilqum" futbolchisi oyog'iga yolg'ondakam zarba qabul qilib olganday, “nimadir bo'lib qolar” degandek yiqildi. Fakt asosida aytadigan bo'lsak, navoiyliklar o'yinchisi o'ng oyog'ining tovon qismi bilan raqib oyog'ini bosib oldi va yiqildi. Qo'l va tana o'rtasida engil to'qnashuv (kontakt) mavjud, ammo bu qo'pollik qayd etish uchun etarli emas. Epizod VAR tomonidan tekshirilgandan so'ng futbolchiga og'zaki tanbeh berilishi kerak.

✅ "Bunyodkor" - "Dinamo"

VIDEO

VAR o'yinga to'g'ri holatda aralashdi va hakam tomonidan haqli ravishda qizil kartochka ko'rsatildi. "Bunyodkor" o'yinchisi raqib to'pig'idan yuqori qismiga butsasining tag qismi bilan tashlangan va raqib oyog'ini "qayirib" yuborgan. Bu holat jiddiy qoidabuzarlik sanaladi va futbolchi, albatta, chetlatilishi lozim.

❌ "Surxon" - OKMK

VIDEO

Hakam OKMKning golini adashib hisobladi, ammo VAR epizodga to'g'ri aralashdi. O'yindan tashqari holatda bo'lgan OKMK azosi to'pga tegmasa-da, vaziyatda ishtirok etdi. Mehmonlar vakili to'pga qarab intildi, u tomon sakradi. Futbolchi bu harakati bilan zarbani qaytarishga hozirlik ko'rayotgan "Surxon" darvozabonini chalg'itdi. Bu holatda ofsayd qayd etilishi va gol bekor qilinishi kerak edi.

SHu tariqa, Superliga 5-turidan o'rin olgan to'rtta uchrashuvda ikkita xatoga yo'l qo'yildi ("So'g'diyona" - "Qizilqum" uchrashuvida sodir bo'lgan janjal hamda "Surxon" - OKMK uchrashuvida urilgan gol).