Superliga matbuot kotiblariga sertifikatlar topshirildi

Seminarda Professional Futbol ligasi bosh direktori Omon G'ofurov, PFL bosh direktori o'rinbosari Mirsardor Alimov, O'FA Hakamlar va nazoratchilar departamenti boshlig'i Mamur Saidqosimov, ayollar futboli bo'yicha mutaxassis Alisher Fayziev, futzal hakami SHuhrat Po'latov va boshqa masullar ishtirok etishdi.

Milliy olimpiya qo'mitasi anjumanlar zalida o'tkazilgan mazkur seminarda soha mutaxassislari  tomonidan klub matbuot kotiblari faoliyati va vazifalari, OAV bilan ishlash, hakamlik va nazoratchilik, ayollar futboli va futzal bo'yicha yangi qoidalar, yangi tahrirdagi Reglament bilan tanishtirish, OCHL bahslarida OAV xodimlari bilan ishlash, marketing, OAV vakillari uchun axloqiy normalar, talablar kabi masalalar yuzasidan taqdimotlar o'tkazildi.

SHuningdek, matbuot kotiblari o'zlarini qiziqtirgan savollar, o'ylantirayotgan muammolar bo'yicha savollar berishdi, sohani yanada rivojlantirish borasida takliflar kiritishdi. Taklif va mulohazalar inobatga olindi.


Seminar yakunida Superliga matbuot kotiblariga maxsus sertifikatlar topshirildi.