Superliga. "Dinamo" 6 yillik tanaffusdan so'ng o'z uyida "Lokomotiv"ni mag'lub etdi
21 iyu 2019 19:52
Yangiliklar

Superliga. "Dinamo" 6 yillik tanaffusdan so'ng o'z uyida "Lokomotiv"ni mag'lub etdi

Superliganing 12-turidan o'rin olgan "Dinamo" - "Lokomotiv" uchrashuvi bo'lib o'tdi.

O'yinning 2-daqiqasida mezbonlar burchak to'piga ega bo'lishdi, havodan uzatib berilgan to'pni SHohruh Abdurahmonov darvoza tomon noaniq tarzda yo'lladi.

Keyingi daqiqada Arslanmirat Amanovning kuchli zarbasini Botirali Ergashev katta qiyinchilik bilan qaytardi.

14-daqiqada Sardor Eminovning kuchli zarbasini Javohir Ilyosov qaytarib qoldi.

17-daqiqada mezbonlar vakili Damir Temirov to'p uchun kurashda qo'lini sindirib oldi va tez yordam mashinasida stadionni tark etdi. Unga sog'lik tilaymiz.

27-daqiqada "Lokomotiv" futbolchilari jarima to'piga ega bo'lishdi, Iskanderovning uzatgan to'pini himoyachilar qaytarishdi.

Keyingi hujumda Haydarov boshi bilan darvozaga aniq zarba yo'lladi, Botirali Ergashev ajoyib seyv namoyish etdi, hakamlar o'yindan tashqari holatni qayd etishdi.

33-daqiqada "Dinamo" vakili SHohruh Abdurahmonovning kuchli zarbasini Ilyosov ushlab oldi.

34-daqiqada Temurxo'ja Abduxoliqovning zarbasini Botirali Ergashev qaytardi.

36-daqiqada yana Abdurahmonovning kuchli zarbasini Ilyosov bir amallab qaytarishga erishdi.

42-daqiqada Sardorbek Eminovning yo'llagan zarbasi darvoza to'sini ustidan o'tib ketdi.

43-daqiqada Yovan Jokich jarima maydoni chizig'i yonidan kuchli zarba berdi, noaniq.

Keyingi hujumda Oleg Zoteev jarima maydoni ichidan darvozaga zarba berdi, Botirali Ergashev oyoqlari bilan to'pni qaytardi.

49-daqiqada Iskanderov uzatgan to'pni To'xtaxo'jaev boshi bilan darvozaga yo'lladi, noaniq.

59-daqiqada Mirkomil Loqaev birga bir vaziyatga chiqib bordi, Ilyosov to'pni qaytarishga erishdi.

61-daqiqada Abdurahmonovning to'p uzatishidan keyin Qadamboy Nurmetov jarima maydoni ichidan hisobni ochdi - 1:0.

64-daqiqada Arslanmirat Amanovning o'ng qanotdan oshirgan to'pini Temurxo'ja Abduxoliqov boshi bilan darvozaga yo'lladi - 1:1.

72-daqiqada chap qanotdan Bobur Qosimov to'pni darvoza yoniga tashlab berdi, Qadamboy Nurmetov bo'sh darvozani ishg'ol qilib dublga erishdi - 2:1.

77-daqiqada Oleg Zoteev chap tomondan darvoza tomon zarba berdi, himoyachilar to'pni maydon tashqarisiga chiqarib yuborishdi.

90-daqiqada SHohruh Abdurahmonovning kuchli zarbasi darvoza to'riga tashqi tomondan tegdi.

Uchrashuvda "Dinamo" 2:1 hisobida g'alaba qozondi. So'nggi bor "Dinamo" 2013 yilda o'z maydonida "Lokomotiv"ni mag'lub etgan edi. SHu tariqa 6 yillik noxush anana yakuniga etdi.

Dinamo

Qadamboy Nurmetov - 61', Qadamboy Nurmetov - 72'

Superliga. 12-tur

21/06/2019, 18:00

Tugadi

Lokomotiv

Temurxo’ja Abduxoliqov - 64'

45'

90'

Match-senterda ochish

Superliga, 12-tur
"DINAMO" (Samarqand) – "LOKOMOTIV" (Toshkent) - 2:1
21 iyun 2019 yil. Samarqand. "Dinamo" stadioni. 18:00
Hakamlar: Olim To'ychiboev, Ravshan Kopadze, SHoxruh Azamov, Abdurashid Xudoyberganov
Nazoratchi: Dmitriy Roman
Komissar: Laziz Qo'chqorov

Gollar: Qadamboy Nurmetov 61, - 1:0 (SHohruh Abdurahmonov). Temurxo'ja Abduxoliqov 64, - 1:1 (Arslanmirat Amanov). Qadamboy Nurmetov 72, - 2:1 (Bobur Qosimov).

"Dinamo": 1.Botirali Ergashev, 2.Mirkomil Loqaev, 4.Hakimjon Alamxonov, 7.Jasur Azimov (6.Akmal Xolmurodov, 80), 11.Qadamboy Nurmetov (20.Siroj Hamroev, 85), 16.Bobur Qosimov, 21.Damir Temirov (28.Obidjon Hakimov, 19), 23.Sardor Eminov, 24.Jasurbek O'rinov, 27.Ixtiyor Toshpo'latov, 34.SHohruh Abdurahmonov.
Zaxira: 12.SHohruh Eshbo'taev, 9.Nizomjon Norov, 10.Amirjon Safarov, 14.Vohid SHodiev, 19.Sanjar Baratov, 44.Dilmurod Karimov.

"Lokomotiv": 35.Javohir Ilyosov, 5.Anzur Ismoilov, 7.Azizbek Haydarov (75.Vladislav Fomin, 83), 8.Jamshid Iskanderov, 11.Temurxo'ja Abduxoliqov, 20.Islom To'xtaxo'jaev (77.Diyorjon Turopov, 59), 23.Yovan Jokich (14.Azizbek Amonov, 46), 24.Davronbek Hoshimov, 33.Oleg Zoteev, 71.Arslanmirat Amanov, 88.Igor Yelich.
Zaxira: 12.Mamur Ikromov, 25.Javohir Alijonov, 52.Jaloliddin Jumaboev, 72.Boburbek Ergashev, 78.Umar Adhamzoda.