Srna Manchesterda malaka oshirdi

Pep Gvardiolaning ish uslubi bilan yaqindan tanishgan “SHaxtyor” yordamchi murabbiyi o'zining Instagramdagi sahifasida “shaharliklar”ga minnatdorchilik bildirdi.

“Hurmatli do'stlar, mehmondorchilik uchun rahmat. Sizlar bilan vaqtimni mazmunli o'tkazganimdan mamnunman. Dunyoning eng kuchli murabbiyi va uning ajoyib jamoasida tahsil olish men uchun katta tajriba maktabi bo'ldi. Omad, “Manchester Siti”, deya post qoldirdi Srna o'z sahifasida.

Srna 2019 yil yozida futbolchilik faoliyatini yakunlab, “SHaxtyor”ning yangi bosh murabbiyi Luish Kashtruga yordamchi vazifasida ishlab kelmoqda.

Ukraina Premer ligasining 18-turidan keyin “konchilar” turnir jadvalida Kievning “Dinamo”sini 14 ochko ortda qoldirib, yakka peshqadamlik qilishmoqda.