So'g'diyona ukrainalik hujumchi bilan shartnoma tuzdi

Jamoa to'liq tarkib bilan mashg'ulotlarda qatnashdi. Futbolchilarning kayfiyati alo darajada. Bugungi mashg'ulotlarda Ukrainalik legioner hujumchi Aleksandr Kablash ham qatnashdi. U bilan jamoa shartnoma ham imzoladi. Malumot o'rnida shuni aytib o'tish kerakki, Kablash davralar oralig'ida Navbahor jamoasi yig'inidagi mashg'ulotlarda ham qatnashgan edi. Futbolchilar ikki guruhga bo'lingan holda ikki taymdan iborat o'yin o'tkazishdi.SHuningdek texnik va taktik tayyorgarliklarga jiddiy etibor qaratildi. Yakshanba kuni bo'lib o'tadigan Mashal jamoasiga qarshi uchrashuvga jiddiy hozirlik ko'rilmoqda.

Birinchi davra yakunlangach, tanaffus davrida jamoa qarorgohida tamirlash ishlari olib borildi va sharoitlar ancha yaxshilandi. Viloyat hokimi S.Ismoilov tomonidan ham jamoaga imkon qadar jiddiy etibor qaratilmoqda. Hozirda jamoaning oliy ligadagi mavqieni yaxshi deb bo'lmaydi. Ushbu holatni yaxshilash maqsadida viloyatdagi mutasaddilar va jamoa rahbariyati So'g'diyonaning oliy ligada o'z o'rniga ega bo'lishida barcha chora-tadbirlarni amalga oshirishga bel bog'lashgan. Ishonamizki, jamoamiz ushbu mavsumda oliy ligada o'z o'rnini saqlab qoladi.

Qo'yida mashg'ulotlardan olingan videolavhalar bilan tanishishingiz mumkin.

Videlavhani ko'rish uchun link