Siroj Hamroev: "Davron Fayziev O'zbekistondagi eng yaxshi himoyachilardan biri bo'lgan"

"Juda ham qiyin o'yin bo'ladi. Men bolaligimdan Davron Fayziev o'yinlariga ishqiboz bo'lganman. Bu murabbiyni O'zbekiston tarixidagi eng yaxshi himoyachi deb bilaman. Bugun Fayziev jamoasi bilan uchrashamiz. Bu o'yinda kuchli jamoa g'alaba qozonadi. "So'g'diyona" so'nggi yillarda o'zining eng kuchli tarkibiga ega"

"Biz jiddiy tayyorgarlik olib bordik. Ikki safar o'yinini o'tkazamiz va shu bois g'alaba juda ham zarur. Maydonimizda yo'qotilgan ochkolarni to'ldirish uchun harakat qilamiz. Men o'zim ham bu jamoa sharafini himoya qilganman. Bugun "So'g'diyona"ga muxlislar 12-futbolchi bo'ladi. Bizga foyda berishi bo'lgan jihat esa jamoa etakchi himoyachisi Akmal Xolmurodovni bu o'yinda maydonga tusha olmasligi bo'lishi mumkin. Eng asosiysi qiziqarli bahs bo'ladi. Har ikki jamoaning hozirgi holatiga havas qilib bo'lmaydi", - deydi Hamroev.

"Mashal" matbuot xizmati