"SHo'rtan"ning logotipi yangilandi

Zamon shiddat bilan o'zgarmoqda. Har jabhada rivojlanish, yangilanish va oldinga intilish jarayonlari kuzatilmoqda. Bu holatni futbol sohasida ham ko'rishimiz mumkin. Aynan shu nuqtai-nazardan olib qaraganda, bunday ijobiy o'zgarishlarni “Oq bo'rilar” jamoasida ham sezishimiz mumkin.

Logotip yunoncha - logos so'zidan olingan bo'lib, ramz, belgi manolarini bildiradi. Uning zamirida biror bir korxona, tashkilot yoki uyushmaning tarixi, ananalari aks ettiriladi.

“SHo'rtan” jamoasining yangi talqindagi ramzida ham ana shu nozik jihatlar etiborga olingan. Logotipning pastki tomonida klubning o'tkir ko'k rangi o'rin olgan. Uning fonida har qanday kishining ham diqqatini o'ziga tortadigan oq bo'rining rasmi tushirilgan. Bo'ri - aynan “SHo'rtan” jamoasining laqabi ekanligini malum. Bo'rilar tabiatda yirtqich hayvonlar turkumiga kiradi. Ammo logotipda o'rin olgan bo'ri - kurashdan qochmaydigan, uzoqni ko'ra biladigan aqilli va kuchli jonivor timsolida gavdalantirilgan.

O'rtada futbol to'pi va uning ikki yon tomonida "SHo'rtan” PFKning raman tashkil topgan 1994 yil sanasi yozib qo'yilgan.

Yuqori qismda esa lotincha SHFC (yani SHo'rtan Futbol Klubi), degan  so'z yozilgan.