SHerzod Qosimovdan boshqa hakam yo'qmi?

Qizig'i shundaki, xuddi 1-davrada "Bunyodkor" stadionida bo'lgani kabi "Paxtakor" o'yingohida kechadigan bellashuvni ham SHerzod Qosimov boshqarib boradi.

Esingizda bo'lsa, birinchi davrada bo'lib o'tgan bahsda "Bunyodkor" 1:0 hisobida zafar quchgandi. Bugun nima bo'lishini esa o'yindan keyin bilib olamiz. O'ylaymizki, bugungi bahs ham shiddatli va shunga yarasha qiziq kechadi.

Lekin shu o'rinda bizni hayron qoldirgan jihat, Hakamlar qo'mitasi tomonidan bu uchrashuvga yana SHerzod Qosimovning tayinlanganidir. Bu erda yana deb birinchi davradagi o'yinni yodga olayotganimiz yo'q. Gap shundaki, SHerzod Qosimov "Paxtakor"ning o'z maydonidagi ketma-ket uchinchi o'yinida hakamlik qiladi.

Umuman olganda, bu bahs SHerzod Qosimov uchun Superligadagi 7-o'yin bo'ladi. Qizig'i, Qosimov oxirgi ikki bor "Paxtakor"ning o'z maydonidagi bahsni boshqargan. "Paxtakor" bu o'yinlarda bir g'alaba va bir durang qayd etgan.

SHerzod Qorsimov Superligada boshqargan o'yinlar:
2-tur. "Bunyodkor" - "Paxtakor" 1:0
4-tur. "Nasaf" - "Metallurg" 1:1
6-tur. AGMK - "Qo'qon-1912" 0:0
7-tur. "Qizilqum" - "Neftchi" 1:0
8-tur. "Paxtakor" - "Navbahor" 1:0
10-tur. "Paxtakor" - "Qo'qon-1912" 1:1
13-tur. "Paxtakor" - "Bunyodkor"

Albatta, bitta hakamning bir jamoa uy o'yinlariga ketma-ket uch marta qo'yilishi g'alati. Balki bunaqasi futbolimiz tarixida birinchi marta ro'y berayotgan bo'lishi ham mumkin.

Bu o'rinda SHerzod Qosimovning aybi yo'q. CHunki u o'zini o'zi o'yinlarga tayinlamaydi. Hamma gap Hakamlar qo'mitasiga borib taqalyapti. Bizga malumki, Hakamlar qo'mitasi tur uchrashuvlariga hakamlarni tayinlayotganida har bir detalga etibor qaratadi. Ammo qatorasiga uch marta Qosimovni "Paxtakor" uy o'yiniga qo'yilishi g'alati. Yoki mamlakatimizda derbini boshqara oladigan boshqa hakam yo'qmi?