Seten: “Artur “Barselona”dagi so'nggi kuniga qadar chin dildan ishlaydi”

“Men uni jamoani tark etguniga qadar safimizda chin dildan harakat qilishiga shubha qilmayman. U oldimizga qo'yilgan maqsadga erishimiz uchun bor kuchi bilan harakat qilishiga ishonaman. U sport formasiga kirib olishini aytdi, men esa uning kamroq yoki ko'proq maydonga tushishini hal qilaman”, deya Setenning so'zlaridan iqtibos keltirmoqda Marca.

Eslatib o'tamiz, futbolchining transferi 72 million evroni tashkil etdi. Transfer 2019/2020 yilgi mavsum rasman yakunlanganidan so'ng amalga oshadi. 

Artur 2018 yilda “Gremio”dan “Barselona”ga ko'chib o'tgandi. Uning transferi uchun kataloniyaliklar 31 million evrodan voz kechishgandi. 23 yoshli xavbek Ispaniya chempionatida 21 ta uchrashuvda maydonga tushib, uchta gol urdi va uchta golli uzatmani amalga oshirdi.