Server Jeparov: "Faoliyatimdagi to'rtinchi Osiyo Kubogiga tayyorman"

Sardorning to'rtinchi urinishi qanday bo'ladi? Bu haqda futbolchi shunday deydi:

- Eng muhimi birinchi o'yinni yaxshi boshlab olish. SHunda kayfiyatimiz ikki karra oshadi. Futbolda kayfiyati yuqori jamoa har qachon kuchli bo'ladi. 

Gapini davom ettirar ekan, Osiyoning ikki karra "eng yaxshi futbolchisi" raqibni mensimaslik xato bo'lishini qo'shib o'tdi. 

"Ko'chpilik KXDRni osonlik bilan yutishimiz mumkinligini aytayapti. Bugungi kunda har bir jamoaning o'ziga yarasha kuchi bor. Ayniqsa himoyada o'ynaydigan raqibga qarshi bahs olib borish murakkab bo'lib borayapti", - deydi Jeparov.

- Qizig'i shundaki, mana ikkinchi musobaqa, biz birinchi o'yinimizni o'tkazayotgan stadionda final bahsi bo'ladi...

- Albatta o'yinni boshlagan stadionda uni yakuniga etkzasang yoqimli. Qisqa muddatli musobaqalarda, kim o'sha kun uchun tayyor bo'lsa g'alaba qozonadi. Har bir qilingan xato qimmatga tushadi va xato qilayotganlardan foydalansak, maqsadimizga erishishimiz mumkin bo'ladi.