Sergey Lushan: "Yangi jamoa quramiz"

"Bir so'z bilan qiyin bo'ldi. O'yin so'nggida gol o'tkazib g'alabasiz qolish afsuslanarli. Yangi jamoa quramiz, yangi o'yin uslublarini yaratamiz. Hali ishlarimiz juda ko'p", - deb gap boshladi Lushan.

"Birinchi davra oxiriga qadar yaxshi natija ko'rsatishga harakat qilamiz. Tarkibimizda bir qator tajribali futbolchilar bor".

"Simonenko va Sato Minori oliy liganing saviyasidagi o'yinchilar deb hisoblamayman. Legioner kuchli bo'lishi kerak. Hozircha faqat bitta mashg'ulot o'tkazdik. SHu bois balki ular o'zlarini loyiq ekanliklarini namoyish etishlari mumkin. Ish endi boshlandi".

"Vohid SHodiev zaxirada qoldi. U mashg'ulotlarda biroz qiynaldi. SHu bois Berdiev va SHodievdan birini tanladim. Ayupovning o'yinlarini kuzatib boraman. Bugun o'z maydonimizdagi ilk o'yinda tushdi va gol urdi. O'tgan safar ham to'p kiritgandi".

"Yozda yangi kuchli futbolchilar sotib olinadi, bu borada rahbariyat menga vada berdi. SHu bilan birga yoshlarimizga ham etibor qaratamiz. Masalan, Ayupov o'zini ko'rsata oldi".