Saudiya Arabistoni U-20 terma jamoasi bosh murabbiyi: "Vaziyatlarni golga aylantira olmaganimiz sababli turnirni erta tark etdik"

- O'yin haqida...

- Bugun yaxshi o'yin o'tkazdik, yigitlar maydonda qoniqarli harakat qilishdi, lekin natijaga erisha olmadik. Uchrashuv davomida ko'pgina vaziyat yaratdik, biroq ularni golga aylantira olmadik. Vaziyatlarni golga aylantira olmaganmiz sabab turnirni erta tark etayapmiz, agar Xitoy bilan bo'lgan uchrashuvda imkoniyatlardan foydalana olganimizda, bugun keyingi bosqichga yo'l olgan bo'lardik. Ikkita penalti belgilanishi kerak bo'lgan vaziyat yuzaga kelgandi, biroq hakam boshqacha qaror chiqardi.

- So'nggi ikki o'yinda yaratilgan vaziyatlardan foydalana olmaganimiz sabab turnirni tark etyapmiz, dedingiz. Ko'pgina jamoalarning murabbiyi ham shu sababni keltirishyapti, buni qanday izohlaysiz?

- Futbolchilarning yoshi bunga sabab deb o'ylayman, ularda tajriba deyarli yo'q va shu sabab ular muhim pallalarda o'zini yo'qotib qo'yishmoqda.

- Jamoangizning turnirdagi ishtiroki haqida fiklaringizni aytib o'tsangiz.

- Ishonamanki, ushbu tarkib hali o'zini ko'rsatadi, bizning futbolchilar hali juda yosh va ular o'z klublarida kam o'yyn amaliyotiga ega bo'lishmoqda, qolaversa, ularda sovuqqonlik yo'q. Xitoy terma jamoasiga mag'lub bo'lganimiz bizga qimmatga tushdi, ular bizni yaxshi o'rganib chiqishgan ekan. Bir qancha futbolchilarimiz turnirda bizga yordam bera olishmadi, bunga sabab sifatida ular to'p tepadigan klublarga futbolchilarga ruxsat bermaganligini keltirish mumkin.