Saudiya Arabistoni terma jamoasi sardori: "Finalga chiqmoqchimiz"

"Dunyodagi eng muhim musobaqada o'ynash imkoniyatiga ega bo'lganimiz uchun yaratganga shukur aytamiz. Har bir futbolchi Jahon chempionatida o'ynashni orzu qiladi.

Ertangi bahsda terma jamoamizga omad tilayman. Butun o'yin davomida bir xil tempda o'ynashga urinamiz.

Biz bir qator o'rtoqlik uchrashuvlarini o'tkazdik, faqat Germaniya bilan emas. Ko'plab o'yinlarda ijobiy natijalar qayd etdik.

Ertaga g'alaba uchun borimizni beramiz. Biz keyingi bosqichga chiqishga urinamiz. Bu uddalab bo'lmas ish emas. Jahon chempionatida istalgan narsa bo'lishi mumkin. Birinchi o'yin ko'p narsani hal qiladi, ayniqsa mezbonga qarshi bahs.

Maqsadimiz juda katta, finalga chiqmoqchimiz. Uddalab bo'lmaydigan ish yo'q. Harakatlarimiz munosib taqdirlanadi deb o'ylayman", – deydi Xavsavi.