A Seriya. Eldor SHomurodov gol urgan bahsda "Jenoa" mag'lubiyatga uchradi
06 jan 2021 20:52
Yangiliklar

A Seriya. Eldor SHomurodov gol urgan bahsda "Jenoa" mag'lubiyatga uchradi

Teglar : Jenoa Sassuolo

Italiya A seriyasining 16-turidan o'rin olgan "Sassuolo" - "Jenoa" uchrashuvi yakuniga etdi.

Sassuolo

Jeremie Boga - 52', Giacomo Raspadori - 83'

Serie A . 16-tur

06/01/2021, 19:00

Tugadi

Genoa

Eldor Shomurodov - 64'

Stadion: Stadio Mapei - Citta del Tricolore, 0 tomoshabin

Bosh hakam: Michael Fabbri

45'

90'

Match-senterda ochish

"Sassuolo" – "Jenoa" 2:1

"CHitta-del-Trikolore"

Gollar: 1:0 – 52 Boga, 1:1 – 64 SHomurodov, 2:1 – 83 Raspadori.

"Sassuolo" – Konsili, Rojerio, Myuldyur, Ferrari, Ayxan, Djurichich (Raspadori, 74), Manyanelli (Burabiya, 58), Berardi (Defrel, 35), Lokatelli (Obiang, 74), Boga, Kaputo (Traore, 58).

"Jenoa" – Perin, Dzappakosta, Masello (Gilone, 57), Krishito, CHiborra (Pyaca, 57), Badel (Rovella, 58), Radovanovich, Lerager, Zayc (Destro, 82), Skamakka (Goldaniga, 71), SHomurodov.

Ogohlantirishlar: Krishito (12), Masello (23), Ayxan (39), Burabiya (59), Goldaniga (85), Myuldyur (86).

UCHRASHUV YAKUNLANDI!

90+2. GOOOL! "Jenoa" hisobni tenglashtirdi! YO'Q, ofsayd bo'lgan ekan. Hakam golni bekor qildi.

90. Uchrashuvning asosiy vaqtiga 4 daqiqa qo'shib berildi.

87. "Jenoa" futbolchisi hujumda raqib darvozaboniga nisbatan qo'pol o'ynadi, endi posbon istaganicha vaqt cho'zishi mumkin.

85. Jeremi Boga chap qanotdan raqibning uch futbolchisini qiynab qo'ydi. Natijada Goldaniga qoida buzdi va sariq kartochka bilan jazolandi.

83. GOL! "Sassuolo" yana hisobda oldinga o'tib oldi. Boganing qanotdan uzatmasidan so'ng Raspadori bosh bilan "Jenoa" darvozasini ishg'ol qildi. 2:1.

82. O'zgarish: Zayc o'rniga Mattia Destro o'yinga qo'shildi.

78. ZARBAAA! De Frel bir raqibini aldaganidan so'ng to'pni uzoq burchakka yo'lladi, ammo to'p ustunga tegib qaytdi.

73. Eldor raqib bilan kurashib, uzun pasdan so'ng to'pni o'ziga to'xtatishga urinib ko'rdi, ammo raqib halaqit qilgani tufayli buni uddalay olmadi.

71. "Jenoa"da o'zgarish: Skamakka o'rniga Goldaniga maydonga tushdi.

64. GOOOOOLLLLL! SHOMURODOOOOOVVV! Eldor qanotdan uzatilgan to'pni boshi bilan darvozaning uzoq burchagiga yo'lladi va hisobni tenglashtirdi! YASHAVOR ELDOR! GOLNI Telegram kanalimizdan ko'chirib olishingiz mumkin.

62. "Jenoa" uch hujum bilan o'ynay boshladi, ammo hozircha hujumlar tashkil etishda muammolar yuzaga kelmoqda.

57. "Jenoa"da o'zgarishlar: Masello o'rniga Jilione, Siborra o'rniga Pyaca va Badel o'rniga Rovella maydonga tushdi. SHomurodov maydonni tark etgani yo'q.

52. GOL! Afsuski "Sassuolo" hisobni ochdi. 1:0. Jeremi Boga jamoadoshini uzun pasidan so'ng to'pni o'ziga to'g'irladi va Maselloni aldab, darvozani ishg'ol qildi.

50. SHomurodov to'pni qabul qildi va tezlik bilan oldinga o'tdi. U bir raqibini aldab o'tganidan so'ng ikkinchisidan qochib ketishga urindi, ammo "Sassuolo" himoyachisi Eldorni gavdasi bilan to'sib, to'pni olib qo'ydi.

48. Kaputo hujumda "Jenoa" himoyachisi Ivan Radovanovichning oyog'ini bosib oldi. Himoyachining hayqirig'i stadiondagi deyarli hammaga eshitildi. Hakam fol qayd etdi.

46. Jamoalar maydonga qaytishdi va ikkinchi bo'limga start berildi.

TANAFFUS!

45. Birinchi bo'limga 2 daqiqa qo'shib berildi.

42. Domeniko Krishitoning qahramonligi tufayli "Jenoa" darvozasi ishg'ol qilinmadi. Krishito yaqin masofadan berilayotgan zarbaga so'nggi pallada oyog'ini qo'yib qoldi.

39. Ayxan SHomurodovni yiqitgani uchun sariq kartochka bilan jazolandi.

36. Eldor kutilmaganda raqibdan to'pni olib qo'ydi va o'z jamoasining tezkor qarshi hujumini boshladi. U qanotdan to'pni uzatganidan so'ng CHiborra bosh bilan "Sassuolo" darvozasiga zarba berdi, ammo noaniq.

35. O'zgarish: "Sassuolo" yarim himoyachisi Domeniko Berardi jarohat tufayli bahsni erta yakunladi, uning o'rniga Defrel o'yinga qo'shildi.

34. ZARBAAAA! SHomurodov jamoadoshining havolatib uzatgan to'pini o'ziga to'g'irladi va chap oyog'i bilan raqib darvozasiga kuchli zarba berdi. Afsuski to'p tashqi tomondan darvoza to'riga tegdi.

30. ZARBAAAA! Myuldyur oyog'ining tashqi qismi bilan ajoyib aylanma zarba berdi, posbon esa yaqin burchakni bir amallab to'sishga ulgurdi.

24. Jarima zarbasidan so'ng to'p jonli devorga tegib, maydonni tark etdi.

23. Sariq kartochka. Masello to'pni to'xtatishga urinib, raqibga nisbatan qo'pol o'ynagani uchun ogohlantirildi. "Jenoa" darvozasi tomon xavfli standart belgilandi.

18. XAVFLI VAZIYAT! Eldor qanotdan bo'lgan uzatmadan so'ng to'pni darvoza tomon tepdi, ammo zarba kuchsiz bo'lgani tufayli Skamakka to'pni egallab oldi va u ham raqib darvozasini ishg'ol qilishga urindi, biroq to'p darvoza ustuni oldidan o'tib ketdi.

16. Kaputo hujumda to'pni o'ziga to'g'irlay olmay, "Jenoa" futbolchisiga nisbatan fol ishlatdi va hakam mezbonlar hujumini xushtagi bilan yakunlab qo'ydi.

15. SHomurodov raqib jamoaning uzatmasini ilib ketdi va hujum boshlashga urindi, biroq oldinda jamoadoshlari kam bo'lgani tufayli to'pni orqaga qaytardi.

13. Hozircha hujum tashkil qilishda "Sassuolo" ancha faol, "Jenoa" esa to'pni o'zida ko'proq ushlab turishga urinyapti, ammo buning uddasidan chiqmayapti.

10. Balyardini "Bravo, Eldor" deya futbolchimizni qo'llab, uni ko'proq pressing uyushtirishga chaqirmoqda.

8. Lerager maydon markazida to'pni raqibga oldirib qo'ydi va "Sassuolo" tezkor qarshi hujum tashkil qildi, ammo mezbonlarning so'nggi uzatmasi muvaffaqiyatsiz chiqdi.

5. "Sassuolo" hujumchisi Kaputo qulay vaziyatdan "Jenoa" darvozasini ishg'ol qila olmadi.

1. Uchrashuv boshlandi.

"Sassuolo" – "Jenoa"

6 yanvar, 19.00, «CHitta-del-Trikolore»

"Sassuolo" – Konsili, Rojerio, Myuldyur, Ferrari, Ayxan, Djurichich, Manyanelli, Berardi, Lokatelli, Boga, Kaputo.

"Jenoa" – Perin, Masello, Radovanovich, Krishito, Zappakosta, Lerager, Badel, Zayc, CHiborra, Eldor SHomurodov, Skamakka.

Havola :

Manba : championat.asia

Yangiliklarni Telegramda o'qing!

Reyting: +156