Sarri: "Eng yaxshisi o'z o'yinimizni namoyish etamiz"

"Biz o'z o'yinimizni ko'rsatamiz. Tajriba shuni ko'rsatadiki, qachonki biz o'z o'yinimizni qilmasak, unda jamoamiz ko'ngildagidek natijani qo'lga kirita olmaydi. Eng yaxshi yo'l - o'z futbolingni o'ynash. "Yuventus stedium"da ajoyib muhit bo'ladi. Balki biz kerakli natijani qayd eta olmasmiz. Uchrashuvning 70 daqiqasini o'z jarima maydonchamiz oldida o'tkazishimiz ham mumkin. Nima bo'lganda ham bu o'zimizning tanlovimiz bo'ladi. Agarda bizga 30 soniya futbol o'ynash nasib etgan taqdirda ham o'z o'yinimizni ko'rsatishga harakat qilamiz. Qachonki ikkita juda kuchli himoyaga ega jamoalar to'qnash kelsa futbolchining individual maxorati ko'p narsani hal qiladi. "Yuventus"da bu kabi futbolchilar juda ko'p. Bizda ham bundan muammo yo'q. "Yuve"ga qarshi bahs faoliyatimdagi eng muhim o'yin bo'ladi deb o'ylamayman. Agarda shu kungacha 500ta uchrashuv o'tkazmaganimda bu erda bo'lmasdim. Matbuot bu bahs juda muhim ekanligini aniqlamoqda. Men uchun quyi diviziondagi "Sandjovanneze" yoki "Grosseto" bilan bo'lgan bellashuv ham muhim bo'lgan", - deydi Sarri.