Sardor Rashidov: Jamoamizning ahilligi g'alabamiz omili bo'ldi

"Bunyodkor” yarim himoyachisi olmaliqliklar darvozasiga bir-biridan chiroyli uchta gol urishdan tashqari, butun o'yin davomida bemalol 2-3 nafar futbolchilarni aldab o'tib, raqib jamoaga haqiqiy bosh og'iq bo'ldi. Uchrashuv yakunlangach, Sardor Rashidovning o'yin borasidagi fikrlari bilan qiziqdik.

- G'alaba qozonib yarim finalga yo'llanma olganimizdan xursandman. Gollarim “Bunyodkor”ga foyda keltirgani esa xursandchiligimni ikki hissa oshirdi. Ochig'ini aytsam, hozircha faoliyatimdagi ilk xet-trikni aynan Olmaliqdagi bahsda rasmiylashtirdim. Bungacha hech bir jamoa darvozasiga bir o'yinda uchta gol urmagandim. “Olmaliq” jamoasiga hurmatimni saqlagan holda shuni aytmoqchimanki, safarda g'alaba qozonishimizga ishongandim. Biroq bu qadar yirik hisobda yutishimizni kutmaganim rost. Jamoamizning ahilligi va hamjihatlikda harakat qilganimiz g'alabamiz omili bo'ldi. SHuningdek, murabbiylar shtabining to'g'ri ko'rsatmalari ham o'yinimizni ancha kuchli bo'lishini taminladi, - deydi Sardor Rashidov.