Sardor Mirzaev ikkinchi davrani “Neftchi”da o'tkazadi

“Lokomotiv” klubi murabbiylar shtabi bu futbolchini “Neftchi”ga qo'yib yuborishga qaror qilishdi. Sardor Mirzaev mavsumning ikkinchi yarmini ijara asosida farg'onaliklar safida o'tkazadi.

1991 yilda tug'ilgan yarim himoyachi Inchonda bo'lib o'tadigan Osiyo o'yinlariga borishi kutilmoqda. Faqat buning uchun unga o'yin amaliyoti kerak bo'ladi. Yaxshi bilasiz, hozir “Lokomotiv”da raqobat ancha kuchaygan, buning ustiga ularda o'yinchilar ham ko'p. SHu bois Mirzaev birinchi davrani asosan o'rinbosarlar tarkibida o'tkazdi, “Neftchi”da esa u asosiy tarkibda to'p tepishi mumkin.