Sanjar SHoahmedov: "Eng birinchi maqsad OCHLni ijobiy natija bilan boshlash"

"Osiyo chempionlar ligasida ishtirok etishni istaganim uchun "Lokomotiv"ga o'tdim. Eng birinchi maqsadimiz OCHLni ijobiy natija bilan boshlash. Undan keyin oliy liga va kubokka etibor qaratamiz", - deydi SHoahmedov.

- Xorijiy yig'inlar haqida nima deya olasiz?
- Xorijda ikkita yig'in tashkil etildi. Bu yig'inlar doirasida bir qator nazorat uchrashuvlarini o'tkazdik. Kuchli klublarga qarshi bahslar orqali mavsumga tayyorgarlik ko'rdik. Bu albatta o'z samarasini beradi.

- Jamoaga Temur Kapadze va legionerlar talkif etildi. Ular haqida qanday fikrdasiz?
- Temur Kapadzeni ortiqcha tanishtirib o'tish shart emas. O'zbekiston terma jamoasida maydonga tushish bo'yicha rekordchi hisoblanadi. Uning tajribasi albatta jamoamizga as qotadi. Undan tashqari hujumchi (Ruslan Koryan) va yarim himoyachi (Nemanya Yanichich) ham tarkibga qo'shildi. Yana bir nafar himoyachi safimizga qo'shilishi kerak. Albatta, ulardan ham yaxshi o'yin kutamiz.

- Ignatiy Nesterovning jiddiy jarohat olganini eshitdik. Bu jamoaga qanchalik tasir qildi?
- Nesterov juda kuchli darvozabon, buni hamma biladi. O'zbekiston terma jamoasining asosiy posboni. Uning jarohati albatta barchamizni ranjitdi. Biroq tarkibimizdagi qolgan darvozabonlar taqdim etilgan imkoniyatdan foydalanib o'zlarini ko'rsatishga urinishadi, bu aniq.


Narzulla Saydullaev