Sanjar Tursunov keyingi bahsda o'ynamaydi (Qo'qondan 11 ta fakt)

Qo’qon-1912 Andrey Sidorov - 72', Ivan Yosovich - 83'

Superliga. 25-tur 20/11/2021, 14:00 2 : 2 Tugadi

OKMK Martin Boake - 15', Boburbek Yuldashev - 81'

45'

90'

72'  Andrey Sidorov

72'  Asadbek Sobirzhonov

83'  Ivan Yosovich

15'  Martin Boake

15'  Mirjamol Qosimov

81'  Boburbek Yuldashev

Match-senterda ochish

Mazkur uchrashuvga aloqador qiziqarli malumotlarni yig'ib chiqdik.

1. Ushbu jamoalar ilk bor Qo'qonda durang o'ynashdi. AGMK va "Qo'qon-1912" o'rtasidagi o'yinlarda bunga qadar 2 marta g'olib nomi aniq bo'lmagan va har 2 o'yin Olmaliqda o'tgan edi.

2. Andrey Sidorov Superliganing joriy mavsumida 3-golini urdi. Bunaqasi 2016 yildan beri kuzatilmayotgandi.

3. Baxtiyor Ashurmatov shogirdlari qatorasiga 17-o'yinida to'p kiritgani holda Superligadagi eng yaxshi golli seriyani qayd etmoqda. Jamoa so'nggi bor 8-turda maydonni golsiz tark etgandi ("Paxtakor" 3:0 "Qo'qon-1912").

4. Uchrashuvni 3 255 muxlis stadionning o'zidan tomosha qildi. Malumot uchun, AGMKning so'nggi 3 o'yiniga umumiy hisobda 900 kishi tashrif buyurgan edi.

5. Qo'qonliklar tarkibida Oybek Rustamov va Ivan Yosovich 4-sariq kartochkasini oldi va keyingi uchrashuvni o'tkazib yuboradigan bo'ldi (PFL rasmiy sayti). 

6. AGMK tarkibida ogohlantirilgan Sanjar Tursunov ham keyingi uchrashuvda qatnashmaydi (PFL rasmiy sayti).

7. Martin Boake gol urgan o'yinlarda AGMK yutqazmayapti (3). Bobur Yo'ldoshev gol urgan uchrashuvlarda esa yutolmayapti (2).

8. SHoxnazar Norbekovning golsiz seriyasi davom etadi. "Qo'qon-1912" forvardi oxirgi golini iyul oyida urgan edi.

9. AGMKning mag'lubiyatsiz o'yinlardan iborat seriyasi 9 ta o'yinga etdi (5 g'alaba, 4 durang).

10. Mazkur jamoalar o'rtasidagi o'yinlar har doim gollarga boy bo'lgan. So'nggi 9 to'qnashuvda 33 ta gol kiritildi

11. AGMK bu yil Ilgiz Tantashev boshqargan o'yinlarda yutqazmayapti (2 g'alaba, 3 durang).

Superliga. Penaltilar hisobdan chiqarilsa, kim to'purar bo'ladi? (Jizzaxdagi o'yin haqida 11 fakt)