Sanjar Asqaraliev: “Tarkibdagi yo'qotishlar ham salbiy tasir o'tkazdi”

Markazda etakchilikni o'z qo'liga olgan Asqaralievda jamoadoshlarini oldinga etaklash xususiyati mujassam. Sanjarning uchrashuv davomida “Nasaf” darvozasi tomon yo'llagan zarbasidan so'ng to'p to'singa tegib qaytganida, stadion larzaga keldi. Umuman aytganda, Asqaraliev shu kuni maydonda yomon taassurot qoldirgani yo'q. Uchrashuvdan so'ng 34 yoshli futbolchi bilan suhbatlashdik.

- Sanjar aka, asosan teng kurashlar ostida o'tgan o'yinda “Nasaf” g'olib bo'ldi. Uchrashuv to'g'risida fikringiz qanday?
- Tabiiyki, ikkinchi davra o'yinlarini g'alaba bilan boshlashni maqsad qilgandik. Boz ustiga muxlislarimiz ko'z o'ngida ularni uch ochko bilan xursand qilishimiz shart edi. Biroq o'zingiz ko'rdingiz, yakunda qimmatli uch ochkoni boy berdik. “Nasaf” mamlakatimizning etakchi klublaridan biri ekanligi barchaga yaxshi malum. Ular birgina penaltidan unumli foydalandi. Bu esa o'yin taqdirini xal qildi. Ko'rdingiz, bizda ham bir necha bor gol urish uchun imkoniyatlar bo'ldi. Ammo salgina aniqlik etishmadi.

- Mag'lubiyatga nima sabab bo'ldi deb o'ylaysiz?
- Uchrashuv avvalida jiddiy yo'qotishlar bor edi. Predrag Vuyovich, Anvar Berdiev, Rahim Qodirov, Timur Vasilev singari o'yinchilar tibbiy ko'rikdan o'ta olmay, ularning o'ynashiga ruhsat berilmadi. Yana bir tajribali Asqar Jadigerovda esa jaroxat bor edi. Albatta ularning yo'qligi salbiy tasirini o'tkazmasdan qolmadi. Agarda tarkibda bu qadar muammo bo'lmaganida o'ylaymanki, “Nasaf”ga yutqazmasdik.  

- “Andijon”ni maydonga sardor sifatida boshlab tushdingiz. Ko'rsatgan o'yiningizdan qoniqish xosil qildingizmi?
- Yo'q, agarda jamoam yutganida qoniqdim deya olardim.

- Ikkinchi bo'lim o'rtalarida o'z o'rningizni boshqa jamoadoshingizga bo'shatib berdingiz. Buni murabbiydan o'zingiz so'ragandek tuyuldi bizga. SHundaymi?
- Ha. Bilasizmi birinchi davra oxirlarida belimdan jaroxat olgandim. SHu so'nggi paytlarda yana bezovta qila boshladi. “Nasaf” bilan o'yinning ikkinchi taymida ham bu narsa sezildi. SHu bois bosh murabbiydan o'rnimga boshqa futbolchini tushirishini so'radim. CHunki o'rnimga tushgan boshqa o'yinchi jamoaga qolgan daqiqalarda mendan ko'proq yordam berishi mumkin deb o'yladim.

- “Andijon” endi keyingi 3ta o'yinni ham o'z maydonida o'tkazadi. Bo'lajak bahslar oldidan nima deysiz?
- Agarda “Nasaf”ga qarshi qilgan o'yinni ko'rsatsak, boshqa raqiblarimizga ham oson bo'lmaydi deb o'ylayman. Muxlislarimiz g'alabali o'yinlarni ancha sog'inib qolishgan. Ularni xursand qilish uchun bo'lajak bahslarda faqat uch ochko olish uchun o'ynashimiz kerak. Umid qilamanki, hammasi yaxshibo'ladi.

Islombek Rustambekov suhbatlashdi.