Samvel Babayan: "Paxtakor" bilan bahsda stadion muxlislar bilan to'lishiga ishonaman"

- O'yin haqida

- Fikrimcha, qiziqarli va kurashlarga boy uchrashuv bo'ldi. "Navbahor" muxlislarini keyingi bosqich yo'llanmasi bilan tabriklayman! 

Yigitlarga xarakter ucun rahmat aytaman, oson bo'lmadi. 

"Olimpik"ni alohida etirof etish lozim. O'zbek futbolining kelajagi bo'lmish yosh va iqtidorli futbolchilar yaxshi o'yin ko'rsatishdi. SHubhasiz, "Olimpik" hamma jamoaga qiyinchilik tug'diradi. Bu jamoada o'z yosh toifasining eng kuchli vakillari jam bo'lishgan. 

Emociyalarga boy uchashuv bo'ldi, hali ko'rib chiqamiz. Umuman, vaziyatlar yaratdik, lekin yakun etishmadi. Buni ustida ishlaymiz. Rohatlanish uchun hammasi bor edi: muhit, muxlislar, stadion. 

- "Paxtakor" bilan o'yinga oz qoldi. Bugun "Navbahor" ko'p kuch sarfladi. Bu jismoniy tarafdan muammo tug'dirmaydimi?

- Biz turli holatdamiz.  Qura natijasiga ko'ra, "Paxtakor"ga Pro liganing "SHo'rtan" jamoasi, bizga esa etakchi jamoalar kushandasi "Olimpik" tushgandi. Jamoa yuqori pressing qo'llaydi, juda faol o'ynaydi.

- Mavsum boshidan beri "Navbahor" jamoasi asosiy tarkibining deyarli 70 foizini rotaciyasiz o'ynatyapsiz. Vaholanki, zaxira juda keng. Hal qiluvchi o'yinlarga kelganda jamoangiz jismonan toliqib qolishidan qo'rqmaysizmi?

- Rotaciyaga kelsak, u suniy bo'lmasligi kerak. Rotaciya qilish uchun maydonga tushgan futbolchilar o'yinni kuchaytirishlari lozim. 

Boshqa tarafdan olsak, "Navbahor" tarkibi 90 foiz yangilangan. Hatto bu erda juda ko'p o'ynagan futbolchilar ham maydonga tushish uchun o'z vaqtini kutishi kerak. 

- "Paxtakor" bilan o'yinda namanganlik muxlislardan nimani kutyapsiz? Ular stadionni to'ldirishadimi?

- SHubhasiz, eng yaxshi muxlislarga egamiz. Buni statistika orqali ham bilish mumkin. Jamoamiz ko'rsatayotgan natija ham ularda qiziqish uyg'otmoqda. "Paxtakor" bilan bahsda stadion to'lishiga ishonaman.