Rustam Mirsodiqov: "O'zbekiston kubogida chorak finalgacha bormoqchimiz"

"O'zbekiston kubogi bahslariga qura tashlangandan so'ng qiziq bitta holat yuzaga kelmoqda. "Metallurg" ketma-ket uchinchi marta 1/16 bosqichda "CHust-Paxtakor"ga qarshi o'ynashi mumkin. Biz o'rganib ham qoldik. Har yili shu bosqichni aynan mana shu jamoa bilan boshlaymiz. Bu yilgi bosqichda "Bunyodkor-2" bo'lishi ham mumkin. Ko'ramiz qaysi jamoa g'olib chiqishini bizga unchalik ahamiyati yo'q", - deydi Rustam Mirsodiqov.

- "Metallurg" chorak finalgacha nisbatan oson vaziyatga tushdi. Bu kubok o'yinlari uchun vazifani belgilaydimi?
- Vazifani belgilaydi. "Metallurg" O'zbekiston kubogining chorak finaligacha bormoqchi. Kubokka ham albatta etibor qaratamiz. CHorak finalda "Lokomotiv" bilan o'ynash jamoamiz uchun foydali bo'ladi. Qolgani haqida boshqa narsa deya olmayman. Hammaga malumki "Metallurg" barcha bahslarga g'alaba uchun tushadi. Buni kubokda ham davom ettiradi.