Rustam Mirsodiqov: "Baribir kuchli jamoa g'alaba qozondi"

"Xuddi shunday qiyin o'yin bo'lishini kutgan edim. Yakunda baribir "Bunyodkor" kuchli ekanligini va kuchli jamoa g'alaba qozonishini ko'rdik. SHunga qaramay bugun biz g'alabaga juda yaqin edik va ushlab qola olmadik. Hech bo'lmaganda durangga loyiq o'yin ko'rsatgan edik. Ochig'i tushunmay qoldim. oddiy xatolarga nega yo'l qo'ymoqdamiz?" - deya o'yin haqida dastlabki fikrlarini bildirib o'tdi Rustam Mirsodiqov.

- "Metallurg" ning bugungi mag'lubiyatiga jamoaning "Buxoro" bilan uchrashuvdagi mag'lubiyati o'z tasirini ko'rsatgan ko'rinadi. Jamoa bo'sh o'yin ko'rsatdi.
- Unday deb o'ylamagan bo'lar edim. Biz har bitta uchrashuvga alohida tayyorgarlik ko'ramiz. Umuman bu ikki uchrashuv orasida farq katta. Mehmonda ko'proq himoyada o'ynadik. Uyda esa bugun ko'rib turganlaringiz oldingi chiziqda faolroq bo'ldik. 

- Bugun Doniyor Odilovni jarohat bilan tez tibbiy yordam maydonda olib chiqib ketdi. Uning holati haqida dastlabki fikrlar aytildimi?
- Hozir oyog'idan jarohat olgani aytildi. Hali yana tekshiruv bo'lsin yakuniy fikrni aytaman. Hozir ahvolini bilishim kerak men ham. O'ylaymanki jiddiy bo'lib chiqmaydi. 

- Keyingi uchrashuv "Olmaliq" bilan safarda bo'ladi va shu kuni "Olmaliq" stadioni ochilish uchrashuvi ham bo'lar ekan. Uydagi uchrashuvda g'alaba qozongan edik. Endi safar uchrashuvi oldidan nimalar deya olasiz?
- O'ylaymanki ushbu derbi juda ham keskin o'tadi. Har doim bu ikki jamoa boshqa jamoalarga qaraganda katta ahamiyatga ega bo'lgan o'yinni ko'rsatadi. Yigitlarni ushbu ketma-ket mag'lubiyatdan chiqarishimiz kerak. O'ylaymanki imkoniyatimizdan to'liq foydalansak g'alaba bilan qaytamiz.