Runi: "MYUdan 10-15 futbolchi ketishi kerak"

"MYUning hozirgi tarkibi yo'qolib qolgandek, bo'm-bo'shdek taassurot o'yg'otadi.

Garchi Brunu ko'p asabiylashsa-da, natija keltirishda davom etmoqda. Tarkibda jiddiy o'zgarishlar qilish kerak. 10-15 nafar futbolchi jamoadan ketishi kerak deb o'ylayman. Tabiiyki, bunday bo'lmaydi. Hozirgi tarkibdan hech kim masuliyatni bo'yniga olishni istamayapti. Faqatgina Brunu va Maynuni tarkibda olib qolgan bo'lardim.

Klubning hozirgi madaniyatida mag'lubiyatni juda engil qabul qilishmoqda. Futbolchilar o'yindan keyin shunchaki: "Endi keyingi bahsni o'ylashimiz kerak", deyishyapti. Xarakter ko'rsating va maydonda kurashing. Ularning o'yinlarini ko'rish juda og'ir va og'riqli", - dedi Runi.