Rubin Xebayga Turkiyaning birdaniga uchta klubi qiziqyapti

Jumladan, Turkiya Superligasida ishtirok etayotgan “Ankaragyudjyu”, “Rizespor” hamda “Alanyaspor” klublari Xebay xizmatlariga qiziqish bildiryapti. Turklar masala bo'yicha “Andijon” klubi bosh direktoriga aloqaga chiqishgan va taklif qilingan transfer summasi “Andijon” klubi tomonidan Xebaydek to'purarga munosib emas, deb hisoblangan. Malumot uchun, Turkiyada transfer oynasi 15 sentyabrda yopiladi. 

Yuqorida nomlari keltirilgan uchala klub nomidan ish yuritayotgan turkiyalik agentlarning olib borayotgan muzokaralari qanday yakun topishini yaqin kunlarda bilib olamiz.

Malumki, Rubin Xebay “Andijon”ga joriy yil qishki transfer oynasining so'nggi kunida qo'shilgan bo'lib, 2 yillik shartnoma imzolangan. Qizig'i, andijonliklarga futbolchini Turkiyaning boshqa bir klubi -  “Antalyaspor” menejerlari taklif qilgan. 

Eslatib o'tamiz, albaniyalik legionerning “Andijon” bilan shartnomasi 2024 yilning oxiriga qadar amal qiladi.