Ro'ziqul Berdiev: "Natija adolatli bo'ldi"
26 okt 2015 19:25
Yangiliklar

Ro'ziqul Berdiev: "Natija adolatli bo'ldi"

"Nasaf" - "Bunyodkor" (0:0) uchrashuvi yakunlanganidan so'ng tashkil etilgan matbuot anjumanining ikkinchi qismida mezbonlar bosh murabbiyi Ro'ziqul Berdiev ishtirok etdi.

"Natija o'yinga mos bo'ldi. Ikkala jamoada ham g'alabani o'z tomoniga og'dirish uchun vaziyatlar bo'lgandi. O'yin hech bir jamoaning yaqqol ustunligi ostida kechmadi. SHu boisdan olib qaraganda, natija har ikkala jamoa uchun adolatli bo'ldi. Futbolchilarimizda g'alabaga bo'lgan ishtiyoq yuqori edi. Ammo bir xil tarkib bilan o'ynayotganimiz futbolchilarni jismoniy jihatdan toliqtirib qo'ymoqda. Zaxiradan maydonga tushayotgan futbolchilarda tajriba yo'qligi bois o'yinni kuchaytirib yubora olishmayapti. Erondan taklif? SHaxsan menga aniq bir taklif bilan murojaat qilishgani yo'q. Biroq so'nggi paytlarda shu haqida juda ko'p gapirishmoqda va yozishmoqda. Meni ko'plab jamoalarga bosh murabbiy qilib qo'yishmoqda. "Nasaf"da qolamanmi? Yil so'nggida shartnoma muddati yakunlanadi. Lekin "Nasaf" bilan hali yana shartnomani uzaytirishim mumkin. Bu masalani klub rahbariyati bilan kelishib hal qilishimiz mumkin. Eldor Suyunovning jarohati u qadar jiddiy emas. SHifokorlarning aytishicha, darvozabonimiz keyingi o'yingacha tiklanishi mumkin", - deydi Ro'ziqul Berdiev.

Havola :

Manba : championat.asia

Yangiliklarni Telegramda o'qing!

Reyting: +5