Ro'ziqul Berdiev: “Hozirgi tarkibimiz bilan Eron chempioniga qarshi bundan ortig'iga qodir emasmiz”
03 apr 2018 00:06
Yangiliklar

Ro'ziqul Berdiev: “Hozirgi tarkibimiz bilan Eron chempioniga qarshi bundan ortig'iga qodir emasmiz”

“Nasaf” – “Persepolis” uchrashuvidan (0:0) keyingi matbuot anjumanining ikkinchi qismida mezbonlar ustozi Ro'ziqul BERDIEV hamda uchrashuvning eng yaxshi o'yinchisi Odiljon HAMROBEKOV ishtirok etishdi.

-Hozirgi tarkibimiz bilan Eron chempioniga qarshi bundan ortiq o'yin ko'rsata olmas edik. Raqibimiz qanday kuchga ega ekanligiga barcha guvoh bo'ldi. Bugun g'alaba uchun maydonga tushgan edik. Ammo maqsadimizga erisha olmadik. Yigitlarimiz qo'llaridan kelganicha o'ynashdi. Ularga bugungi o'yinlari uchun o'z minnatdorchiligimni bildiraman.

OdiljonHamrobekov: - Bugungi uchrashuvda bizni yaqindan qo'llab-quvvatlagan muxlislarga hamda jamoadoshlarimning bugungi uchrashuvda ko'rsatgan o'yinlari uchun tashakkur aytmoqchiman. Biz tez-tez o'yin o'tkazayapmiz, albatta bu orqali charchoq ham bugun sezilib qoldi. Ammo biz imkon darajasida o'ynadik.