"Rostov"ning bir yo'la uch futbolchisi ushbu transferlar oynasida kuchli beshlik jamoalariga o'tishi mumkin
29 sen 2020 22:14
Yangiliklar

"Rostov"ning bir yo'la uch futbolchisi ushbu transferlar oynasida kuchli beshlik jamoalariga o'tishi mumkin

Italiya matbuoti Eldor SHomurodovning "Jenoa"ga o'tishi mumkinligini bong urayotgan payti ingliz nashrlari "Rostov"ning yana bir necha futbolchisi jamoani tark etishi mumkinligini yozmoqda.

Qayd etilishicha, "Rostov" futbolchisi Denis Xadjikadunich ayni damda "Vest Xem" qiziqishlari doirasida bo'lib turibdi. London klubi hozircha muzokaralarni boshlaganicha yo'q, biroq yozilishicha, klub bunga tayyorgarlik ko'rmoqda.

Rostovliklarning asosiy figuralaridan biri Matias Normannga ham kuchli beshlik ligalaridan bir necha takliflar bor. Agarda "Rostov" moliyaviy foydani birinchi o'ringa qo'yadigan bo'lsa, futbolchilar sotib yuborilishi katta ehtimol.

SHuningdek, manba SHomurodovning "Jenoa"ga o'tish imkoniyatini 95 foizga baholagan.

Uch futbolchining barchasi ushbu mavsumda 8tadan o'yin o'tkazdi. Ulardan faqatgina Matias Normann bir bora raqiblari postiga yo'l topgan.

Havola :

Manba : Goal

Yangiliklarni Telegramda o'qing!

Reyting: +50