Futbolchi hushidan ketib qolgani tufayli "Roma" – "Udineze" o'yini oxiriga etmay qoldi - himoyachi zudlik bilan shifoxonaga olib ketildi

Bu 32-tur doirasidagi bahs 1:1 hisobida yakunlanishiga 18 daqiqa qolganida sodir bo'ldi. 

"Roma" himoyachisi Evan N'Dika to'satdan o'zini yomon his qilib, yiqilib tushdi, ammo u sheriklariga ko'krak qafasidagi og'riq haqida xabar berishga ulgurdi.

SHundan so'ng hakam himoyachida hammasi joyida ekanligiga ishonch hosil qilish uchun rimliklarga 2 daqiqa vaqt berdi. Holat "Roma" futbolchilarini jiddiy xavotirga solgani uchun referi Luka Payretto muhokamalardan so'ng o'yinni butkul to'xtatishga qaror qildi.

Endi o'yin to'xtatilgan vaqtdan boshlab boshqa kuni yakunlab qo'yiladi.