Robert Fernandes: "Barselona" futbolchilari "Yuve"ga qarshi bahsda muvaffaqiyatga oxirigacha ishonishmadi"

"Birinchi o'tkazib yuborilgan goldan so'ng bizda javob qaytarish uchun imkon bo'ldi, ammo bundan foydalana olmadik va tezda navbatdagi golni qo'yib yubordik. Jamoa tanaffusdan so'ng yaxshi o'ynadi, o'yin tizgini qo'limizda edi, vaziyatlar yaratdik, biroq yana gol o'tkazib yubordik.

Mag'lubiyatga qaramasdan biz jamoamizga ishonishda davom etishimiz kerak, chunki "Kamp Nou"da ular "Yuventus"ni mag'lub etib, keyingi bosqichga chiqa olishlari mumkin. Biz og'irroq vaziyatdan chiqib keta olganmiz.

Gol urganimizda imkoniyatlarimiz oshar edi, biroq jamoa oxirigacha muvaffaqiyatga ishonmadi. "Kamp Nou"da hamma narsa sodir bo'lishi mumkin" - deydi Fernandes.