"Real" Xoseluni "Espanol"dan xarid qilib, darhol sotadi

"Real"da ijara asosida o'ynayotgan Xoselu Qatar chempionatidan "Al Garafa"ga o'tishga yaqin ekani avvalroq xabar qilingandi.

Manbaning xabariga ko'ra, "Real Madrid" forvardni Qatar klubiga o'tishini osonlashtirish uchun uni sotib olish variantini faollashtiradi. "Espanol" Xoselu uchun 1,5 million evro oladi.

Malum qilinishicha, Xoselu "Al Garafa"da mavsumiga 8 million evro maosh oladi, bu uning "Real"dagi maoshidan ancha ko'p.

O'tgan mavsumda ispaniyalik futbolchi "Real" safida 49 ta o'yin o'tkazib, 17 ta gol urdi va 3 ta golli uzatmani amalga oshirdi, shuningdek, klub bilan Superkubogi va Ispaniya chempionati hamda CHempionlar ligasida g'olib chiqdi.