"Real" super yulduzi tennis uchrashuvida kimni uchratib qoldi? (foto)

Deyarli har yili "Real" yulduzlari ushbu tennis musobaqasini arenadan turib kuzatishadi. Bu safar ham shunday bo'ldi. "Qirollik klubi" super yulduzi Krishtianu Ronaldu serbiyalik Novak Jokovich hamda Ispaniyalik Rafael Nadal o'rtasidagi bahsni tomosha qilish uchun Madriddagi tennis o'yingohiga tashrif buyurdi.

Ushbu to'qnashuvni "Real" sobiq hujumchisi Raul Gonsales ham kuzatayotgan edi. Bahs yakunlanganidan so'ng "Qirollik klubi"ning ayni damdagi va sobiq forvardlari bir-biri bilan salomlashishdi.