Ravshan Ermatov va yana 3 nafar hamyurtimiz OFK qo'mitalari azoligiga tayinlanishdi

Osiyo futbol konfederaciyasi tomonidan amalga oshiriladigan turli dasturlarda O'zbekiston vakillarining ham muntazam ishtirok etib borishi milliy futbolimiz ravnaqiga xizmat qilishini inobatga olib, qita futbol konfederaciyasi bilan aloqalarni yanada mustahkamlashga qaratilgan qadamlar tashlanmoqda.

Kuni kecha OFKning doimiy tartibda faoliyat ko'rsatuvchi qo'mitalariga yangi azolar tayinlandi. Diqqatga sazovor jihati shundaki, qitamiz futbol konfederaciyasining qo'mitalari azoligiga bir qator o'zbekistonlik mutaxassislar ham tayinlov olishdi. Unga ko'ra,

Ravshan Ermatov OFK hakamlar qo'mitasiga, 

Avaz Maksumov OFK futbolni rivojlantirish qo'mitasiga,

Olim Arifov OFK musobaqalar o'tkazish qo'mitasiga,

SHavkat Imomov OFK texnik qo'mitasiga

azo sifatida tayinlanishdi. Endi hamyurtlarimiz mazkur qo'mitalarda 2019-2023 yillar mobaynida faoliyat olib borishadi.

Mutaxassislarimiz kelajakda qita futboli rivojiga o'z xissasini qo'shish uchun bor bilim va mahoratlarini ishga soladilar.

O'zbekiston futbol associaciyasi rahbariyati Osiyo futbol konfederaciyasi tomonidan bildirilayotgan yuksak ishonchni qadrlaydi va minnatdorchilik bildiradi.