Ravshan Ermatov: "Muxlislar o'zimizning futbolni ko'rish uchun stadionga bormasdan, TVda APL o'yinini ko'rishlari menga og'ir botadi"

Yig'ilishda O'FA Hakamlar va nazoratchilar boshqarmasi boshlig'i Mamur Saidqosimov so'z olib, hakamlar tomonidan yo'l qo'yilayotgan xatolarni yangi mavsumda kamaytirib, ularni ishiga alohida etibor qaratishlarini takidladi.

SHu munosabat bilan Mamur Saidqosimov Superligada yangi mavsumdan etiboran kichik, mayda fol, yani bo'lar-bo'lmasga uchrashuvni boshqarib boradigan hakamlar xushtagini bezovta qilmasliklarini murabbiylarga, jurnalistlarga etkazdi. Aynan shu masala bo'yicha Ravshan Ermatov alohida tushuntirish berdi. SHundan so'ng, Osiyoning besh karra eng yaxshi hakamini suhbatga chorladik.

Avvalo, Oliy liga nomi Superliga deb o'zgartirildi. Nom o'zgarib, futbolimizni o'zi o'zgarmasa, u kimga kerak? Hech kimga.

- Bunday o'zgarishlar kiritish fikri qaerdan paydo bo'ldi?
- Avvalo, Oliy liga nomi Superliga deb o'zgartirildi. Nom o'zgarib, futbolimizni o'zi o'zgarmasa, u kimga kerak? Hech kimga. Bu futbolga ham, muxlislarga ham va shu sohada jon kuydiradigan mutaxassislarga ham kerak emas.

Bu harakatlarni aslida o'tgan yili boshlagan edik. Lekin, faqat o'zimiz hech narsa qila olmasligimizni tushunib etdik. CHunki, murabbiylar va futbolchilarning o'zi bu yo'nalishni qo'llab-quvvatlamasa hakamlarning o'zi hech narsa qila olmas ekan. Masalan, men yoki yana bir nechta tajribali hakamlar o'ynashga imkon berar, lekin yoshroq hamkasblarimiz bunga imkon berisholmayapti. CHunki, ko'p vaziyatlarda murabbiylar keskin etiroz bildirib bosim o'tkazishmoqda va yoshroq hakam o'yin tizginini qo'ldan chiqarib yubormoqda. SHuning uchun, bugun murabbiylarning bu borada fikrlarini bildik, ular futbolchilarni bunga tayyorlab borishadi.

To'xtalish qancha kam bo'lsa, futbol shuncha qiziqarli bo'ladi. Ishonchim komil, bunday futbol muxlislarga ham yoqadi va bunaqa o'yinni o'zimiz harakat qilmasak, tashqaridan kelib kimdir biz uchun qilib bermaydi. Bu g'oya Associaciya rahbariyati tomonidan qo'llab-quvvatlandi. Superliga degan nomga futbol mos bo'lsin.

Bir vaqtda milliy chempionatimiz va Angliya chempionatidagi o'yin bor bo'lsa, o'zimizni futbolga stadionga bormasdan televizor orqali Premer-liga o'yinini ko'radigan muxlislarni ko'p eshitganman va ko'rganman ham. Bu menga og'ir botadi.

- Sizlar oldinga surayotgan futbolni Angliya Premer-ligasida ko'rishga o'rganib qolganmiz. Bu andoza aynan qaerdan yoki qaysi chempionatdang olindi?
- Bir vaqtda milliy chempionatimiz va Angliya chempionatidagi o'yin bor bo'lsa, o'zimizni futbolga stadionga bormasdan televizor orqali Premer-liga o'yinini ko'radigan muxlislarni ko'p eshitganman va ko'rganman ham. Bu menga og'ir botadi. Qanday qilib o'zimizni futbol turganda Angliyadagi o'yinni ko'rish mumkin?! Bu esa futbolimiz muxlislarni qoniqtirmayapti degan manoni beradi. Biz ishqibozlarni qoniqtirish uchun nimalar qilish kerak degan savolni o'zimizga berdik. Andoza deganingizga, biz uni faqat Angliyadan emas, umuman Evropa futbolidan oldik. Evropada o'ynashga qo'yib berishadi, bir o'yinda o'rtacha 25-30ta to'xtalishni kuzatish mumkin, 50-60ta emas.

Menimcha, bu yildan muxlislarning o'zlari ham o'tgan va joriy mavsumdagi statistikani solishtirishlari mumkin bo'ladi. Bu jihat ularga maqul keladi deb o'ylayman. Bu degani yaqqol qo'polliklarni qo'yib yuborish emas, bizning asosiy maqsadimiz maydonda futbolchilarning sog'lig'i va xavfsizligini taminlash. Ayrim vaziyatlarda hakamlar elkama-elka to'qnashuvlarga ham xushtak chalishayotgani guvohi bo'lamiz. Bu zerikarli futbolga olib keladigan holat. Birinchi o'rinda mana shu holatlarni yo'q qilishimiz kerak. Bu birinchi qadam, birdaniga revolyuciya qila olmaymiz. Rejaga ko'ra, bosqichma-bosqich boramiz.

Futbolni tezlashtirmoqchimizni, demak hakamlarni yoshartirishimiz darkor. Hakamlikda ham yangi qon quyishimiz kerak.

- Yuqorida yosh hakamlar o'yin tizginini qo'ldan chiqarib yuborishmoqda dedingiz. Sizlarda ana shu hakamlarni kerakli darajaga olib chiqish uchun 1 oy vaqt etarlimi?
- Bu hakamlar kecha kirib kelmagan, ular 7-8 yildan buyon tayyorlanib kelishayapti. Faqatgina, ular keyingi qadamni qo'yishlari lozim. Yani, bir zina tepaga chiqish kerak. Bu jarayon hammada bo'ladi, shu jumladan, jurnalistlarda ham. Boshlang'ich davr, keyin o'rtadagi davr va top daraja. Hakamlarda ham huddi shunday, ularni har birida o'z maqsadi bor. O'FA rahbariyatiga rahmat aytaman, biz 6 nafar yosh va kelajagi porloq bosh hakamlarni Turkiyaga yig'inga olib ketayapmiz. Ularni u erda tayyorlab boramiz. Ulardan o'zini Superligada ishlashga loyiq ekanligini isbotlaganlari faoliyatlarini yangi bosqichga olib chiqishadi desak bo'ladi. Futbolni tezlashtirmoqchimizni, demak hakamlarni yoshartirishimiz darkor. Hakamlikda ham yangi qon quyishimiz kerak. Demak, 6 nafar bosh hakam va 10ga yaqin qanot hakamlarini Turkiyaga yig'inga olib ketamiz. Bunda tajribali hakamlarga yoshlarni ham qo'shib olamiz. O'zgarish shundaki, oldin yoshlarga ko'p ham ishonch bildirilmagan bo'lsa, hozir aynan yosh hamkasblarimizni qo'llayapmiz.

Tolibjon Qosimov suhbatlashdi