Rasman: Osiyo chempionlariga berilgan "Malibu"larni rasmiylashtirish to'lovlarini O'FA o'z zimmasiga olgan

SHu kunlarda turli ommaviy axborot vositalarida Xitoyda bo'lib o'tgan U-23 Osiyo chempionatida g'olib chiqqan O'zbekiston terma jamoasi azolariga muhtaram Prezidentimiz SHavkat Mirziyoev tomonidan berilgan mukofotlar – “Malibu” avtomashinalari hali rasmiylashtirilmagani haqidagi xabarlar paydo bo'ldi.

O'zbekiston futbol Associaciyasi mazkur xabarlar hech qanday asosga ega emasligini malum qiladi. Futbolchilarga topshirilgan “Malibu” avtomashinalari Prezidentimizning sovg'alari bo'lib, bu avtomashinalar uchun qandaydir to'lov talab qilishga hech kimning haqqi yo'q.

Aksincha, O'zbekiston futbol Associaciyasi futbolchilarning xayolini bo'lajak musobaqalardan chalg'itmaslik, bor etiborlarini mashg'ulotlarga qaratishlari uchun avtomashinalarni futbolchilar nomiga rasmiylashtirish bilan bog'liq barcha to'lovlarni o'z zimmasiga olgan.

O'z o'rnida yurtimizdagi jurnalistlar va muxlislarni bu kabi ig'vo va bo'htondan iborat gap-so'zlarga uchmaslikka, malumotlar haqqoniyligini ishonchli manbalardan tekshirishga chaqirib qolamiz.

U-23 futbolchilari: "Bizga hech kim 10 ming dollar berasizlar degani yo'q"