Rasman: JCH-2030ga Ispaniya, Portugaliya va Marokash mezbonlik qiladi. Urugvay, Paragvay va Argentina birinchi uchrashuvlarini o'z mamlakatlarida o'tkazadilar

2030 yilgi Jahon chempionati umumiy hisobda oltita mamlakatda o'tkaziladi. FIFA tashkiloti JCH-2030 mezbonligiga Ispaniya, Marokash va Portugaliya mamlakatlarini tasdiqladi. Tashkilot bu uch mamlakat taqdim qilgan umumiy loyihani  g'olib deb topdi. 

Bundan tashqari, Jahon chempionatining 100 yilligi munosabati bilan Urugvay, Argentina va Paragvay terma jamoalari birinchi uchrashuvlarini o'z mamlakatlarida o'tkazadilar. Jahon chempionatining ochilish o'yiniga Urugvay mezbonlik qiladi. 1930 yilgi Jahon chempionati aynan Urugvay mamlakatida o'tkazilgandi.

Qolgan barcha o'yinlar Ispaniya, Portugaliya va Marokash mamlakatlarida o'tkaziladi. SHu tariqa, bu Jahon chempionati uchta qitada o'tkazilgan tarixdagi birinchi mundial bo'ladi.

"Bo'lingan dunyoda, FIFA va futbol birlashmoqda", -deydi FIFA prezidenti Janni Infantino ushbu qaror haqida.