Rasman: Azizbek Xolmurodov - OKMK futbolchisi

"Jamoamiz bo'lajak mavsum oldidan navbatdagi transferini elon qiladi!

Azizbek Xolmurodov 2003 yil 18 sentyabr sanasida Qashqadaryoning Qarshi shahrida tavallud topgan. Azizbek Xolmurodov «Nasaf» futbol klubi tarbiyalanuvchisi hisoblanadi. Maydondagi joylashuvi yarim himoyachi. SHuningdek, ikkala qanotda ham birdek harakatlana oladi.

Futbolchi 2023 yilgi Superliga mavsumida «Nasaf» va «Turon» jamoalari safida umumiy hisobda 11 o'yinda maydonda harakat qilib, 1ta golli to'puzatmaga mualliflik qilgan.

Azizbek Xolmurodov shu kunga qadar Qarshining «Nasaf», Toshkentning «Olimpik» va Yaypanning «Turon» jamoalarida to'p tepgan.

Yosh iqtidorli futbolchi bo'lajak mavsumdan etiboran «konchilar» sharafini himoya qiladi. OKMK va futbolchi o'rtasida 2 yillik shartnoma imzolandi.

OKMK jamoasining ahil oilasi azosiga aylangan Azizbek Xolmurodovga «konchilar» safidagi faoliyatiga omad va muvaffaqiyat tilab qolamiz!

OKMK ahil oilasiga xush kelibsan, Azizbek!", — deyiladi klub xabarida.