Rasman: "Atletiko"ning yuragi jamoani tark etmoqda. Xayrlashuv marosimi qachon bo'lishi aniq bo'ldi
06 may 2019 23:45
Yangiliklar

Rasman: "Atletiko"ning yuragi jamoani tark etmoqda. Xayrlashuv marosimi qachon bo'lishi aniq bo'ldi

Atletiko jamoaning ko'p yillik sardori Diego Godinning klubdan ketayotganini elon qildi.

Futbolchi bilan xayrlashuv marosimi seshanba kuni «Vanda Metropolitano»da bo'lib o'tadi.

33 yoshli himoyachi faoliyatini «Inter»da davom ettiradi. U «neradzurri»lar bilan 3 yillik shartnomaga imzo chekkan. Qayd etish joizki, Godin Italiya jamoasiga erkin agent sifatida o'tmoqda. Urugvaylik futbolchi «matraschilar» safiga 2010-yilda «Vilyarreal» klubidan kelib qo'shilgandi.

Godin «Atletiko» bilan bir martadan LaLiga, Ispaniya Kubogi hamda superkubogi chempionligini, 2 martadan Evropa ligasi va UEFA superkubogi g'olibligini qo'lga kiritgandi. SHuningdek, markaziy himoyachi Madrid jamoasi bilan 2 bora ECHLning finaliga chiqqan.

Havola :

Manba : Atletico Madrid

Yangiliklarni Telegramda o'qing!

Reyting: +39