Rashford MYU bilan muzokaralarni to'xtatdi

Malumotlarga ko'ra, 21 yoshli futbolchi klubning kelajakdagi rejalarida borligiga ishonch hosil qilmoqchi. "Manchester Yunayted" bosh murabbiyi Ule-Gunnar Sulsher esa yozda jamoada katta o'zgarishlarni amalga oshirish niyatida. Eslatib o'tamiz, Rashfordning "qizil iblislar" bilan shartnomasi 2020 yilning yozida yakuniga etadi. Bitimda hamkorlikni avtomatik tarzda bir yilga uzaytirish bandi mavjud. Agar tomonlar kelisha olishmasa, klub ushbu imkoniyatdan foydalanmoqchi. "Manchester Yunayted" rahbariyati Rashford bilan shartnomani 2 yilga uzaytirmoqchi.

Rashford MYU tarbiyalanuvchisi hisoblanadi. Joriy mavsum futbolchi o'z klubida 47ta uchrashuv o'tkazib, 13ta gol urdi va 9ta golli pas berdi.