Qurolli bosqinchilar Roberto Badjoning uyiga bostirib kirishdi

Futbolchining Altavilla-Vichentinadagi uyiga hujum 20 iyun kuni kechqurun sodir bo'ldi. O'shan mahal oila Evro-2024 doirasidagi Italiya va Ispaniya terma jamoalari o'rtasidagi o'yinni (0:1) tomosha qilayotgan edi. Jinoyatchilar Badjo va uning oilasini uydagi xonalardan biriga qamab, bir soatcha ushlab turishgan. 57 yoshli futbolchi hujumchilarga qarshilik ko'rsatishga uringan, biroq uning boshiga to'pponcha bilan zarba berilgan. Natijada u ko'p qon yo'qotgan.

Bosqinchilar butun uyni ag'dar-to'ntar qilib, soatlar, taqinchoqlar va pullarni o'g'irlab ketishgan. Zararning aniq miqdori hali hisoblab chiqilmagan.

Badjo jinoyatchilar ketganini payqagach, eshikni buzgan va policiyani chaqirgan. Huquq-tartibot idoralari xodimlari jabrlanuvchilardan ko'rsatmalar olib, videokuzatuv kameralarini ko'rib chiqishmoqda.

Voqeadan so'ng Badjo kasalxonaga yotqizilgan va unga bir nechta chok tushgan. Oilaning boshqa azolari jabrlanmagan.

Roberto Badjo 1993 yilda "Oltin to'p"ni qo'lga kiritgan. "Yuventus" bilan UEFA Kubogi, chempionlik va Italiya Kubogiga erishgan. Italiya terma jamoasi tarkibida futbolchi 1994 va 1990 yillarda mos ravishda Jahon chempionatlarida kumush va bronza medallarini qo'lga kiritgan.