“Qo'qon-1912” Qiziltog'ni tanladi

Bosh murabbiy Rustam Abdullaevning saytimizga malum qilishicha, futbolchilarga qisqa muddatli dam berilgan. 17 iyul kuni esa jamoa o'z qarorgohida yig'iladi va ertasiga Toshkentga yo'l oladi.

Qo'qonliklar davralar oralig'ida munosib tayyorgarlik ko'rish uchun Qiziltog' bazasini tanladi. 18 iyuldan boshlanadigan yig'in aynan ushbu Qiziltog' qarorgohida o'tadi va u erda 12 kun shug'ullaniladi.

Tabiiyki bu orada murabbiylar shtabi bir qator sinov-nazorat uchrashuvlarini o'tkazishni o'z rejasiga kiritgan. Tarkibda ham o'zgarishlar yuz berishi aniq. Lekin hozircha qaysidir futbolchi bilan xayrlashish yoki kimnidir kelishi borasida aniq malumot yo'q. Bu haqda keyinroq yana to'xtalamiz.